掃呢頁CODE去手機

2014年8月15日 星期五

[忽然1周 994] 金妍兒男友 金元中燉冬菇 MW,




於今年 5月宣布退役嘅韓國花式滑冰天后金妍兒,靚女又叻! 24歲嘅佢除咗係一眾偶像理想情人外,更成為演藝圈搶手貨,連日本藝能界都睇中佢。

出外埠

金妍兒男友 金元中燉冬菇

韓國兵役一向嚴苛,理得你係天王定巨星,嗱,啱啱又一個瀨嘢啦。邊個咁唔識死呢?就係韓國「花滑女王」金妍兒嗰個國軍體育部隊冰球手男朋友金元中囉﹗

話說正在服兵役嘅金元中, 6月時被選為國家隊代表,同其他隊員喺泰陵選手村集訓。點知早前金元中向代表隊教練話出去買碳酸飲料,其實走咗去揼骨。兩個幾鐘後,預備返宿舍途中仲發生交通事故,但就冇向部隊報告。事件俾金手指篤出後,國防部指金元中違反國軍體育部隊內部規定,除剝奪代表隊資格外,亦將其由體育特長兵燉為一般士兵。瘀爆鳥﹗

30歲、身高 181cm嘅金元中,為韓國國家冰球隊隊長,曾代表韓國奪得亞冬會銅牌,為亞洲冰球歷史上最優秀運動員之一。

金元中私生活混亂,已傳遍體育界,所以當金妍兒傳出同佢拍拖,人人都戥佢擔心。果然真係出事。睇嚟佢哋呢段情都凶多吉少咯!



鍾意就快D Share啦!