網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月15日 星期五

[忽然1周 994] 女神好 Open 黃美棋拖仔公屋過夜 黃美棋,MW,




娛樂喧

女神好 Open 黃美棋拖仔公屋過夜

童星出身的黃美棋(美棋 BB),因為擁有「童顏巨咪」,成為高登仔女神之一。一直聲稱單身的她,堅稱與緋聞男友、有線主持鍾健威( Ray)只是在了解階段,令一眾宅男仍然保存幻想空間。

不過,本刊發現美棋 BB不但獲男友「女皇級」服侍,兩人情到濃時又在商場電梯啜嘴,鍾健威更殺上美棋 BB屋企過夜,過住半同居生活。 BB被私有化,睇怕一班宅男真係徹底心碎。









今年 25歲的黃美棋,與有線主持鍾健威( Ray)早前合作主持《快樂地球》,在美國對足十六日而撻着。雖然事後二人例牌否認,但美棋 BB每次談及 Ray都忍唔住冧爆甜笑,表示兩人仍在了解階段。

「 Ray拍攝節目時好快已經對美棋特別照顧,大家都知乜嘢事。 Ray份人細心,一知美棋想學打鼓,就主動教佢,仲晒吓佢把靚聲邊唱歌邊冧女。有時 Ray見美棋拍得辛苦,就會走埋去冧番佢,所以兩個好快就撻着咗。」工作人員透露。

7月 28日 先掃零食

活動完咗後, BB趁男朋友未到,買咗一袋齋填肚。等一陣同男友食飯可以食少啲,明白嘅!

煙韌開餐

Ray同 BB去食西餐, Ray不時自動波叉埋落 BB個碟度攞嘢食。 BB扮細食,掂咗!

把玩秀髮

食完飯離開搭電梯時, Ray忍唔住把玩女友長髮, BB亦冇抗拒。

上樓過夜

之後 BB帶 Ray搭小巴返屋企,本刊守候至凌晨,仍未見 Ray離開。

早前 BB在土耳其拍特輯受傷, Ray即赴當地慰問,勁窩心。

男友包辦接送

二人現時撻着僅僅三個多月,正值熱戀期,見少陣都唔得。 Ray雖然只係一名小主持,收入唔多,但勝在是個 100分「跟得男友」。兩個小情人拍拖消費十分慳儉,一連兩天,男方都是與女方在屋邨的平民餐廳醫肚,埋單二百元有找,食完飯就返香閨打躉,連戲都冇睇一場。

曾聲稱「不會輕易帶男仔返屋企」的美棋 BB,事實不但「引郎入室」, 7月 28日兩人拍拖後,男方更上埋女友香閨過夜。睇嚟呢對戀人已經開始半同居,而且得到美棋 BB的父母默許,純情 BB背後原來都有 open一面。

雖然與 Ray打得火熱,但美琪 BB為保女神地位,每次提到戀情時,都強調:「我身邊仲有好多追求者」,似乎仍未肯向外界認定 Ray正印地位。

7月 18日 雨中漫步

Ray撐傘送 BB回家。他一手擔遮一手幫女友攞袋,之後兩人一起上女方屋企。

一馬當先

喺女方寓所逗留一小時後,兩人再出外醫肚,食了大半小時便離開餐廳。 BB一馬當先,由得 Ray負責找數,刻意同男友前後腳。

商場啜嘴

兩人搭扶手電梯前,站在前面的 Ray突然轉身忍唔住蜻蜓點水式錫落 BB個嘴仔度,然後依依不捨與女友道別。

鍾健威年約 28歲,除了是有線主持外,亦是樂隊「 spACE」主音。 06年他更以個人身份參加十八區超新聲歌唱大賽,並獲得冠軍。

多是非

除了黃美棋被稱為 BB外,娛圈仲有鍾嘉欣、黃翠如、吳千語三大「 BB」,她們除了外貌天真可愛,同樣都表裏不一。

翠如 BB做小三

翠如 BB早就睇中上位嘅蕭正楠,去年尾,她知道有機會同蕭正楠合作《師奶 Madam》,即搶去原是黃智雯嘅角色,誓要與蕭正楠做一對。之後翠如 BB施展姣功踢走何傲芝,成功變為正印女友。

嘉欣 BB臭脾氣

早幾年劇接劇嘅鍾嘉欣,體力過分透支,除了面上爆出壓力瘡外,更將壓力發洩在髮型師、化妝師身上。有指嘉欣 BB曾不滿髮型師為她梳嘅髮型,二話不說就掟梳發脾氣。

千語 BB大花筒

林峯同千語 BB拍拖至今,去旅行都要去有得瘋狂 shopping嘅歐洲或日本,每次花費過百萬,在港千語 BB亦不時被影到孖住林峯到名店 shopping。



鍾意就快D Share啦!