網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月29日 星期五

[忽然1周 996] 假戲真做 MW,




本是同黐筋新警察故事之父子情仇

主演:祖名、大哥、柯仔東

靚抽王

假戲真做

每期以新戲速遞嘅形式,為你推介一齣齣娛圈上演嘅重頭悲喜劇。







劇情簡介:

認為「中國人是要管」嘅愛國藝人兼反毒大使大哥,其囝囝唔知係唔係前世欠咗佢,竟然好衰唔衰吸毒仲要斷正。大哥喺銀幕上大大話話都唔知做咗幾多次警察,近年仲扮埋公安,今次個仔斷正,仲大鑊過當年「小龍女事件」。因為生咗個女,都可以話「犯咗全世界男人都犯嘅錯」,但係個仔吸毒,就惟有低頭致歉。

重頭戲一:錫錫風雲

有說大哥個仔被捕有背後原因,係因為早前佢喺政協會議入面親親民歌天后宋祖英。有傳傻更更嘅大哥唔知道宋祖英同前國家主席江澤民關係特殊,於是先會被秋後算帳。當然啦,呢啲都係網民講,我哋只係引述啫!

重頭戲二:打到飛起

有報道指大哥去北京見囝囝時,打到囝囝飛起(據稱祖名飛開 5米)。有人質疑一個人飛開 5米係違反基本力學,但係睇過大哥啲戲都知,大哥飛簷走壁,能人所不能。佢一拳打到祖名飛起,查實一啲都唔奇,奇就奇在祖名冇死到啫。

好唔好睇:

大哥從影以來,露 PatPat又試過,霸王洗頭水動 L又試過,不過打仔真係未試過。

評分:★★★★

那些年,我們一起甩過的大牙。

主演:祖名、震東、眾星

劇情簡介:

祖名同震東兩人份屬好友,同撈同煲,今次斷到正,可謂難兄難弟。但係二人喺娛樂圈都唔係得對方呢個朋友,仲有一眾大星小星奀星……當然啦,唔當場俾人捉到,都一定矢口否認,唔係咩叫一起甩過嘅大牙呀?

重頭戲一:估吓誰是幕後大玩家?

有內地傳媒人話,案件仲涉及一名 W男猛人,一個 H女星。網上有人懷疑 W男猛人係大 S老公汪小菲, F姓歌手係台灣藝人費聿鋒;至於 H女星,就有人話係內地女藝人韓雪。此外,同房東相交甚篤嘅陳柏霖同陳建州,當然都會成為傳媒們懷疑嘅對象,唔……你知啦,兄弟嘅嘢,有好嘢梗係分甘同味。

重頭戲二:男子漢難逃一死?

震東已被行政拘留並會送返台灣受審,但由於祖名藏有嘅毒品超過 50克,有報道指最高刑罰可判處死刑,最低刑期係監禁 3-5年。近日有傳大哥去探望祖名不果,唔通大哥真係要耍醉拳劫獄先救到祖名?雖然我哋食到周地花生,但係如果佢哋父子有乜事(尤其係爸爸),我哋會少咗好多娛樂。

好唔好睇:

好睇到喊,不過捉晒班玩家之餘,希望大團圓結局唔好有人死

評分:★★★ 1/2



鍾意就快D Share啦!