掃呢頁CODE去手機

2014年8月29日 星期五

[忽然1周 996] 腰你心(傅嘉莉,黃芷晴,倪晨曦) 芷晴,傅嘉莉,倪晨曦,黃芷晴,MW,




近年傅嘉莉不時以性感打扮見人,當日佢一個挺胸收腹甫士,即時搶晒鏡。

媽咪姐

腰你心

青春係少女們嘅最大本錢,只要夠嫩口,咩打扮都難唔到佢哋。上星期,名媛淑女盛裝去 SHISEIDO活動,要突圍而出,梗要喺衣着上面落吓工夫。睇勻場內露腰一族,傅嘉莉最有計仔,呢啲咪叫戰鬥格囉!

傅嘉莉 自信爆燈

身材 fit爆嘅傅嘉莉,梗係唔會放過騷 quali機會。當日佢全身黑色打扮出動,既騷胸又露腰夠晒搶鏡。見閃光燈閃唔停,佢仲不停轉甫士俾大家影到夠。訪問嗰陣佢又自爆將會去橫店拍劇,兼同屋企人搞飲食生意進軍商界,進取到吖!

當日打扮最性感嘅傅嘉莉,訪問嗰陣亦滔滔不絕講新動向,擺明做足功課,醒目!

傅嘉莉一向唔吝嗇騷身材,佢仲會喺網上晒誘人姿勢,騎住枕頭問大家有冇掛住佢。嘩!宅男們死未!

黃芷晴 甫士出事

黃日華個純情囡囡黃芷晴,近期密密出騷搵銀,病緊都依然露條小蠻腰出嚟,幾專業喎!不過佢一見記者影相,即刻丁字腳加個叉腰動作,甫士娘咗少少,要學吓嘢喇!

倪晨曦 自製露腰

華姐出身嘅倪晨曦打扮唔算突出,不過佢影相嗰陣就不停舉起手搞頭髮,騷一小忽纖腰,識做噃!睇番佢個緋聞男友列表,原來有小生黃宗澤、沈震軒,亦有富二代楊政龍。咁有男性緣,係有啲計。



鍾意就快D Share啦!