網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月14日 星期四

[壹週刊 1275] 郭台銘老婆大肚遊港 M1,




阿仔同工人姐姐去咗玩,肚凸凸唔企得嘅曾馨瑩,要坐低水池邊休息,囡囡就由另一位工人幫手抱實。

同你吟一吟

郭台銘老婆大肚遊港

早排台灣高雄發生氣體大爆炸,曾經同劉嘉玲林志玲傳過緋聞嘅台灣鴻海集團主席郭台銘,私人捐出 6,000萬台幣現金同物資賑災。國難當前, 7月 26日原本係佢同第二任太太曾馨瑩結婚六周年,兩公婆都冇心情慶祝,最終只係一家人坐埋食餐飯。

唔想冷落嬌妻,加上太太曾馨瑩第三度有喜,所以慶祝完結婚紀念,有心有力嘅郭台銘,安排一對仔女陪媽咪飛嚟香港 shopping散心。

有咗六個月,當日曾馨瑩肚凸凸帶住 5歲大女「妞妞」郭曉如,同埋 3歲囝囝「小虎」郭守善,再加兩個工人,一齊响 Cafe Landmark開餐。大肚婆,特別好胃口,曾馨瑩食到冇停口,但囝囝「小虎」食唔夠兩啖,就扭工人姐姐帶佢去睇噴水池,之後仲要扭抱唔肯行。

大肚婆好胃口,阿女攞住支叉想食意粉,但唔夠阿媽快手。

囝囝「小虎」食飯坐唔定,攬實工人姐姐扭抱,之後再扭計要去睇噴水池。

自從成為郭太,曾馨瑩一直積極參與慈善活動,但上個禮拜五晚( 8月 8日)响台灣舉行嘅「全民祈福天佑台灣高雄再起」籌款活動,因為身體不適未有現身,唔通香港之行,郭夫人操勞過度?

一度同劉嘉玲傳緋聞嘅郭台銘,最終娶咗細佢 24年嘅跳舞導師曾馨瑩,更六年抱三, 63歲郭台銘有心有力。

(台灣《蘋果日報》圖片)

香港之行又要 shopping又要照顧小朋友,大肚曾馨瑩返台後,未有現身高雄氣體爆炸籌款活動,而有份出席嘅 S.H.E,睇番當日災難片段,忍唔住眼紅紅。

(台灣《蘋果日報》圖片)



鍾意就快D Share啦!