全城熱爆的娛樂八封新聞 & 時事趣聞 & 生活 + 趣聞
當愛犬 Teddy係仔嘅江美儀，連個「仔」出街用嘅寵物袋，都係名牌 Prada；錫狗錫到燶，上星期四（十四日），江美儀母子咇出街，去咗佢做代言嘅內衣店巡鋪。
之前《壹》仔都見識過佢兩母子一齊行時裝店來去無阻，今次間鋪仲係自己友，更加 welcome。媽咪四圍望吓，又同店員吹水，「囝囝」 Teddy冇扭計落地又冇吠，好乖！即係咁，雖然 Teddy好生性，但出街連狗繩都冇條，萬一走狗，點算！
江美儀好錫 Teddy，狗袋都用 Prada，真捨得！
之前《壹》仔都撞過佢兩母子行街睇衫，嗰次連狗袋都冇，江美儀只係用手抱住 Teddy。
行到入自己代言嘅內衣店，江美儀四圍望，似老闆娘多過似嚟幫襯！
