網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月21日 星期四

[壹週刊 1276] 焉知非福 做棄將有運行  Coffee返 TVB示威 Coffee,TVB,林芊妤,M1,




上月 2日, Coffee返 TVB為殘廁事件接大信封炒魷,當時大批傳媒等候她的判決。

探熱針

焉知非福 做棄將有運行  Coffee返 TVB示威

因殘廁風波,上月初遭 TVB高層樂易玲重判的 Coffee林芊妤,炒魷後搏命接 job,人氣同收入反而更勝從前。日前 Coffee經有線安排重返 TVB門外做訪問「示威」,重踏傷心地, Coffee拍攝節目時句句落地有骨,明寸樂大媽維護艷舞馬賽,盡吐寃屈情。

怕見舊同事

成為 TVB棄將,塞翁失馬的 Coffee,反而愈撈愈旺。近日接受有線電視節目《逃出生天》訪問的她,以另類「衣錦還鄉」手法,到舊東家 TVB門外做訪問。上月二日收到樂大媽無情大信封,離遠望到舊公司的 Coffee,擔心見到舊同事,最後選擇在 TVB隔籬街進行拍攝, Coffee對住鏡頭說:「唔想行近 TVB,怕見到熟人,因為我唔鍾意俾人安慰。」

上週踩場

事隔一個月,上週有線主持 Kiwi安排佢重遊「刑地」,企喺 TVB前面受訪嘅 Coffee暗寸樂大媽。

樂大媽重判 Coffee,但處理「艷舞」馬賽及「車震」林師傑卻相當輕手,難怪 Coffee意難平。

暗摑樂馬黨

對比「艷舞」馬賽,以及「車震木偶仔」林師傑,在「殘廁 gathering」的 Coffee,判刑最重。「你點知我喺入面(殘廁)做乜!我入咗去,只係錯呢一 part。我係公眾人物,就要承受得住。你講乜嘢都好,我知我冇,對得住天地良心。呢件事只係嘥咗我幾年喺度(指 TVB)嘅努力付出。」

對於因禍得福,工作量及收入更勝從前的 Coffee,繼續說話有骨:「多謝佢哋放生。」接着有線主持指馬賽同林師傑都有做錯,反而有得留低,追問有冇嬲樂易玲, Coffee乘勢暗嘲「樂馬黨」。「唔可以怪,怪就只能怪自己喺 TVB冇人際關係。我都仲有我私隱,唔會俾人見到我裸體,我覺得……哈哈哈!」說罷,連 Coffee自己都忍唔住笑出聲。

後來拍攝隊轉場到婚紗店取景, Coffee繼續揶揄馬賽。「我唔係戀愛大過天嘅人,唔係男友話乜就乜,所以我絕對唔會拍艷舞片或者情慾照。」

著起婚紗繼續受訪的 Coffee,講起感情事,亦不忘揶揄斷背兼跳艷舞的馬賽。

拍拖忘形的 Coffee,曾與獸醫前度潘宗揚公開嘴爆,又被上市公司的太子爺林知譽拉去殘廁調情,但受過教訓後,她稱不再戀愛大過天。

因禍得福, Coffee喺大台執包袱後,反獲更多支持,頻頻出席搵錢活動,又教瑜伽,工作同知名度比昔日大增。

她在大台期間,唯一令人深刻印象的是在《衝上雲霄 2》胸壓馬國明咁大把。

撈得起

離開無綫並非末路,綠葉王都可以柳暗花明,闖出新血路。

梁健平

54歲「綠葉王」梁健平,於 2012年離開無綫轉投王維基的港視,早前他衝出香港,同韓星張赫演對手戲,拍攝韓版《命中注定我愛你》。近期由他擔正的短篇電影《三輪車伕》,除奪得「 2014多倫多國際電影節」最佳短篇電影獎,更有份參加康城影展。

艾威

55歲艾威由無綫過檔港視後,因開台無期,為搵食,於是一口氣接了四部電影,又做舞台劇又做網台主持。近期參與林文龍有份投資兼演出的電影《我們停戰吧!》,以及有線投資開拍的劇集《大凶捕》,工作長做長有。



鍾意就快D Share啦!