掃呢頁CODE去手機

2014年8月28日 星期四

[壹週刊 1277] 群星夾錢 機票酒店自己俾 阿 B再婚大吸水




結婚人生大事,阿 B同范姜卻未有安排雙方母親做見證,反而叫關之琳同譚詠麟做證婚人,連簽字宣誓一刻,都要搵巨星做陪襯。

娛頭

群星夾錢 機票酒店自己俾 阿 B再婚大吸水

星期一(八月二十五日),六十一歲的阿 B鍾鎮濤,同四十二歲台灣女友范姜素貞,結束十七年愛情長跑,在峇里舉行婚禮,並廣邀港台名人明星出席,包括張曼玉、關之琳、梁家輝、小豬羅志祥,台灣名媛孫芸芸等等,而兄弟團更有歌神張學友、影帝張家輝。

現場星光熠熠,有指阿 B豪花五百多萬打做世紀婚禮,但實情所有賓客,要自費買機票之餘,仲要每晚嘔五千七百港元入住鍾生鍾太指定的 Alila Villas Uluwatu酒店,四日三夜行程,每位贈興賓客要先倒貼二萬多元,才能換取婚禮入場劵。

娶妻一定要豪!早在一九八八年,阿 B耗資三百萬迎娶章小蕙,也是一時佳話。九九年兩夫妻因財反目離婚,近幾年長居美國的章小蕙,原來已靜悄悄回港從事融資工作,上週更「飛釘」行中環 Chanel。提到前夫再婚,章小蕙全程裝聾扮啞,對阿 B零祝福。

偉仔放飛機

鍾鎮濤與范姜素貞拍拖十七年,育有兩名女兒鍾懿及鍾幗,但拖到今時今日才結婚!本週一(八月二十五日),新郎哥對傳媒解釋:「給范姜一個名分,給小孩一個交代。」

數月前已開始籌備婚宴的 B哥,一早鎖定以峇里的六星級酒店 Alila Villas Uluwatu作為婚禮場地,「兩公婆」更一早 mark定港台兩地名人紅星賓客檔期,當中包括梁朝偉劉嘉玲。

「呢段時間偉仔放緊大假, B哥諗住實請得郁嘉玲偉仔,點知兩個都話唔得閒,范姜知道後居然話想將婚禮改期,又叫班朋友要有心理準備改日子。之後兩公婆一齊出馬落嘴頭,但偉仔嘉玲都係維持原判,最後婚禮照原定日子舉行,但其實都講唔通,竟然為兩個朋友改婚期?究竟想點先!」知情人說。

有指范姜為遷就嘉玲偉仔,一度想將婚禮改期,直至二人一口拒絕,婚禮才能在原定日子舉行。

有張曼玉做賓客,更有影帝張家輝、金牌司儀曾志偉,以及歌神張學友做兄弟,婚禮夠晒星光。

無諗過派對照片會被見報,當晚真空上陣、僅穿一條薄紗裙的梁家輝太太江嘉年,連三角內褲都睇晒,負責發相的阿 B居然睇唔到。

一對新人安排所有賓客自費入住六星級酒店,更禁止發放婚禮相片到社交網站,唯獨周汶錡(右一)事事搞對抗,話之你!

倒貼戥人高興

Alila Villas Uluwatu於 09年開業,酒店由國際知名設計團隊 WOITA打造,獨特設計曾獲多個國際大獎。酒店位處可俯瞰整個印度洋,並以無邊際泳池及鳥巢設計的餐廳為賣點,大多婚禮宴會均在鳥巢舉行,吸引不少名流明星前來作為人生大事場地,包括台灣名媛孫芸芸母親,也曾在此舉行婚禮。酒店內設有 84幢別墅,每幢均有獨立泳池、私人露台及涼亭,其他設施包括水療室、健身室等,暑假旺季日子( 7月至 9月),雙人房每晚要 735美元(約 5,700港幣),為期四日三夜的 B哥婚宴,一眾到賀賓客未計人情同機票,單俾房錢,每人最少要花近二萬。

鳥巢註冊

鳥巢內觀

獨立泳池別墅

碌咭訂房

處心積慮要群星拱照的 B哥,被指豪擲五百多萬,包起機票酒店食宿,宴請圈中好友飛到峇里見證歷史一刻,但原來有另一個版本。

「過去好多星請朋友去外地出席婚禮,都會包食宿,機票錢就多數由賓客自己負責,雖然唔講得上係行規,但大家都知規矩;點知臨出發前一個月, B哥助手打電話嚟叫我哋同酒店講低信用咭號碼,方便過數,嗰間酒店一晚房錢要七百三十五蚊美金,四日三夜,淨係房錢都差不多二萬蚊港幣,加埋機票同人情,去歐洲都得」知情人說。

機票酒店要自己俾,這筆錢對於婚禮見證人關之琳、譚詠麟等巨星來說,當然是小數目,但七十位賓客中,有部分是一對新人的合作伙伴,包括來自髮型化妝界,以及公關友好。

「聽到咁貴,好多人都同 B哥反映,話自己 book過另一間酒店,點知佢又話唔得,一定要住埋同一間,因為已經 book晒房唔可以轉,大家唯有焗俾。」

1988年

阿 B與章小蕙 88年閃電結婚,除安排勞斯萊斯做花車,更在聖德勒撒教堂行禮,新娘子身上的婚紗,出自戴安娜王妃婚紗設計師手筆,價值十三萬,有指當年阿 B豪花三百萬娶妻,成為一時佳話。

當年阿 B大婚,成龍、洪金寶兩大武打巨星俾面出席,幾年前阿 B重提舊事,承認前妻要求群星拱照到賀,估不到新舊 B嫂,想法如此一致。



知道酒店保安持木棍(紅圈)趕記者,甚至有人被帶返警署,阿 B馬上補鑊出來做訪問,更向各人派發千元利是。

(《蘋果日報》圖片)

各有各包

貪高興,又要私隱,不少藝人都愛到外地註冊結婚,親朋戚友組團現場見證,使費可大可小!

吳建豪、石貞善(全包)

去年 11月,台灣男星吳建豪( Vannes)與新加坡富二代石貞善於美國洛杉磯 Resort at Pelican Hill舉行盛大婚禮。一對新人包起 150名親友機票連食宿,親飛美國分享喜悅。

鄭伊健、蒙嘉慧(全包)

去年一月,伊健和蒙嘉慧秘密於東京舉行婚禮,新郎包起四十親友組團到日本三日兩夜做見證,花近百五萬,經理人林珊珊、林曉峰、陳光榮等一班好友亦獲邀出席。

鄭希怡、梁學儲(包酒店)

去年 11月, Yumiko跟拍拖八年的化妝師男友梁學儲( Andy)在蘇梅島拉埋天窗,三日兩夜行程,機票由賓客自費,食宿則由一對新人負責,包起成間 Sha Sa Resort酒店,約埋徐濠縈、陳小春夫婦、蘇永康等近 80人齊齊狂歡。

梁朝偉、劉嘉玲(全包)

08年,梁朝偉和劉嘉玲豪使五千萬,包下整間酒店和過百賓客的機票食宿,於不丹 Uma Para舉行世紀婚禮,出席的圈中好友更包括林青霞、王菲等人。

周汶錡作反

多一事不如少一事,賓客碌咭就範,唯獨周汶錡企硬。

「 Kathy同老公一早已經喺峇里,諗住玩幾日再 join個 party, B哥有叫佢哋之後轉酒店,但 Kathy死都唔肯,佢唔單只唔轉酒店, welcome party嗰晚 B哥話要保密,叫大家唔好放相上微博或者其他社交網站, Kathy一樣話之你,照擺!」知情人說。

口說保密婚禮過程,更安排警衞,在峇里機場驅趕想拍低星級賓客落機陣容的傳媒,加上酒店四面八方布滿手持木棍保安,一眾名人明星以為可以無拘無束玩番晚,但 welcome party翌日,中港台三地傳媒均獲官方發相。

「范姜一早同公關公司傾好發相安排,所以唔俾賓客自己放相,咁做出嘅篇幅可以大啲。講真,話佢結婚使咗五百幾萬,條數點計都冇咁多,分分鐘人情都賺番晒啦,不過范姜睇到啲報導咁寫就好開心囉!」知情者說。

前 B嫂扮豪

阿 B再做老襯,九九年離婚的前 B嫂章小蕙,最近亦由美國回流香港,從事融資行業。上週四(二十一日)黃昏六點,穿著薄身白 tee「飛釘」的章小蕙,與友人到中環樓高三層的 Chanel專門店購物。

對手袋、秋冬裝愛不釋手的她,在店內逐樣睇,後來職員通水有記者在外守候,章小蕙於是改到上層繼續買。

由六點開始,買到晚上八點。章小蕙經三樓的行人天橋離開,記者上前問她有關阿 B再婚,她只是笑一笑,再問她會否送祝福,回港有什麼工作?她完全無回應,之後急步走到文華東方樓下的士站,不願排隊的她同酒店職員說:「我俾人跟,車我先!」得咗!

同阿 B育有一對子女鍾嘉浚、鍾嘉晴的章小蕙,離婚後兒子跟她,但近年母子關係漸疏,兩兄妹經常黐實阿 B同范姜,亦有飛到峇里見證老豆再婚,章小蕙失婚失子女,講到人緣,無論在公在私,前夫阿 B都比她好得多。

21/8

上週四,前 B嫂章小蕙行中環 Chanel購物,薄 tee下更出現「飛釘」反應。

章小蕙行 Chanel,睇中粉紅和黑色手袋,最後花二萬二買下後者,還即買即用。

的士站大排長龍,章小蕙竟公然打尖跳上車。

章小蕙曾高調指范姜虐待她的親生女鍾嘉晴,但遭女兒否認,還挺身聲援范姜,指對方一直無條件愛護自己。



鍾意就快D Share啦!