掃呢頁CODE去手機

2014年8月28日 星期四

[壹週刊 1277] 借大佬招搖 林保怡胞弟被破產 林保怡,M1,




林保怡胞弟林偉強跟上司女友季麟桐,收取國衞巨額過檔費,但年多後違反合約,再收富通保險過檔費跳槽,去年被國衞追數,申請二人破產。

探熱針

借大佬招搖 林保怡胞弟被破產

林保怡轉戰大陸後,搵到盆滿鉢滿。甚少談及家事的他,一向照顧家人,尤其是在大陸成長、近年才來港生活的胞弟林偉強。不過,有指林偉強經常借胞兄名氣招搖,在保險界自我吹噓,與娛樂圈人脈網廣。林保怡不知就裡,還專登跟胞弟出席保險公司活動,變相做生招牌。

心急賺快錢的林偉強四年內轉了三間保險公司,其中在國衞(安盛前身)和富通更收取大筆過檔費,但未有做足服務年期便離職,違約被國衞追數,更遭入稟申請破產。林保怡護弟心切,聲稱不知情。

晒合照搵生意

長期留守內地搵人仔的林保怡,只要一有空檔,便會返港探望老父,十分照顧家人。

家境困難關係,林保怡細佬林偉強細細個便過繼給親戚,在大陸長大,到近年才申請來港生活,任職保險經紀,並不時借胞兄林保怡的名義,招攬生意。

「林偉強成日話佢阿哥係林保怡,所以佢都識好多圈中人,佢手機有好多同林保怡,同埋張栢芝、陳奕迅之類嘅藝人合照,周圍俾同事同啲客人睇。一一年林偉強喺蘇黎世保險嘅業績好好,被公司請去俄羅斯旅行,佢請埋女友兼上司季麟桐同林保怡去,又介紹林保怡俾團友識話係佢阿哥,所以呢行好多人都知佢哋係兩兄弟。

「其實嗰次佢可以去俄羅斯旅行,係因為佢幫林保怡開咗好多份單,蘇黎世覺得林保怡係藝人,收入比較高,所以批晒,但聽聞冇幾耐就 cut晒啲單。之後佢由蘇黎世過檔國衞,亦係佢個上司女友拉線,兩個人一齊收錢過檔,好和味。」知情者說。

林保怡近年在大陸發展甚佳,早前更拍吳宇森新片《太平輪》,跟章子怡、宋慧喬和黃曉明做對手戲,的確人脈甚廣。

二○一一年,林偉強獲當時服務的蘇黎世保險請去旅行,他邀請林保怡同行,林保怡和林偉強(左圖)分別在微博及 facebook貼上旅行照。

四百萬落袋

因林保怡的關係,林偉強成功吸引國衞(安盛前身)以巨額過檔費邀請他和女友上司季麟桐過檔,合約訂明二人要服務四年,但做了一年多,二人又收了富通保險一筆錢,違約過檔,國衞向他們追討賠償不果,去年申請二人破產。

據業內人士估計,林偉強在兩間公司的過檔費和其他津貼,約有四百萬落袋。

雖然林保怡已很久沒拍港劇,但《天與地》仍令人印象深刻。

接連收巨額過檔費,林偉強和女友季麟桐過上等人生活,得閒去歐洲旅行拍拖。

林偉強和女友季麟桐去年被國衞追數,由於他們並沒還款,遭國衞申請破產。

舊上司頂證

本刊向林偉強在國衞的舊上司 Chester求證。

壹:記者C:林偉強舊上司 Chester

壹:係咪因為林偉強係林保怡細佬,所以先請佢?

C:係呀!

壹:佢有冇吹噓自己喺娛樂圈識好多人,可以搵好多生意?

C:係呀,有咁講㗎。

壹:林偉強因為違約離職,所以俾國衞追數?

C:係有咁嘅事。

壹:以你所知,佢寧願被申請破產都唔還錢?

C:係喇,冇錯。

壹:有傳林偉強已經離開香港避風頭,佢係咪已經離開保險界?

C:佢已經唔喺呢行,唔知佢做緊乜,完全失咗蹤。

本刊聯絡林保怡,有關胞弟借他的名氣在外招搖,並被申請破產一事,林保怡即時黑面;問他知否林偉強是保險經紀時,他竟答:「我唔知道!」之後匆匆離去。

被問到知否胞弟林偉強借他名氣搵保險客時,林保怡只謂:「唔知道!」不欲多談,表現避忌。

林保怡一向孝順,十分愛錫父親,因此亦很關心在內地長大、過繼親戚的胞弟。

林保怡近年跳出視圈,早前跟郭富城一起出席活動,身價不同往日。

雖然經常在大陸工作,但林保怡偶然在港跑步,即惹來大班粉絲合照。

有機可乘

藝人的名氣最值錢,亦因此,往往被親屬利用關係牟利,嚴重甚至行騙。

劉德華外甥

11年,劉華在紅館舉行 20場跨年個唱,掀起撲飛熱。其外甥女,乳名「細蚊」掛住「天王係我舅父」的親戚關係,代人訂劉華個唱飛,最終錢俾咗但冇飛,苦主向傳媒投訴,揚言報警,事件曝光,驚動劉華急忙補鑊。

蔡少芬母親

蔡少芬母親黃素梅爛賭欠債,常借女兒名氣借貴利,多番代母還錢的蔡少芬,受不住大耳窿滋擾, 00年公開與母親斷絕關係。

梅艷芳大哥

98年,梅啟明借胞妹梅艷芳名義,與人合作經營狗場,最終欠下四百多萬債務,但他仍以公司名繼續借貸,兄債妹還,最終二人反目。



鍾意就快D Share啦!