掃呢頁CODE去手機

2014年8月2日 星期六

首接活動傳酬勞5萬 關禮傑女兒關楓馨係開心嘅 關禮傑女,關禮傑,關楓馨,




【短片】【星二代】首接活動傳酬勞5萬 關禮傑女兒關楓馨:係開心嘅

2014-08-02 03:34:00



其他影片:>>






【星二代】首接活動傳酬勞5萬 關禮傑女兒關楓馨:係開心嘅

關禮傑女兒關楓馨(Fabienne)同王敏奕今日去到尖沙咀出席活動,兩個人一齊喺街頭跳舞,關母喺現場欣賞,事後讚女兒表現有90分。將大會Tee剪成背心嘅Fabienne一身健康膚色,喺街頭跳數分鐘舞,話練習時父親有俾意見,並為自己打氣,但因為父親有工作未有到場支持。

Fabienne喺英國讀書,佢話仲有兩年先畢業,問到係咪準備入娛樂圈,佢話:「唔係,今次返嚟做暑期工攞多啲經驗,讀埋書先諗,依家專心學業。」首次工作嘅酬勞,Fabienne話會請父母食飯,而有傳佢接工作有五萬元酬勞,同岑麗香一樣,佢話:「酬勞係秘密,係開心嘅,但唔係計錢。」稍後未知有冇其他工作,由關禮傑嘅經理人幫手安排。

網上曾經流傳好多星二代嘅相,問佢有冇影過性感照,Fabienne話:「喺Facebook嘅相通常只同朋友Share,會設好保密度。」

另外,王敏奕將到馬來西亞拍賀歲片逗留留一個月。問到男友曾國祥會唔會陪伴,佢話:「應該唔會要做嘢,唔知會唔會探班,但聽講馬六甲好靚,睇下有冇人有興趣一齊去玩。」問到會否乘搭馬航,佢話:「電影公司知敏感,冇安排我哋搭。」



(攝影:仇志德)



王敏奕青春活力





關禮傑女兒關楓馨首次出席活動。



難免搶咗 王敏奕風頭









媽咪都有嚟支持



有傳佢出席活動身價5萬,佢就話:「酬勞係秘密,係開心嘅,但唔係計錢。」



鍾意就快D Share啦!