掃呢頁CODE去手機

2014年8月6日 星期三

擁過千性伴 林建名自爆食偉哥 林建名,BKD_S,




馮仁昭四圍超:擁過千性伴 林建名自爆食偉哥 - 馮仁昭



其他影片:>>






與傲兒重修舊好 林建名興奮爆性史:有食偉哥

今年已經76歲嘅大名娛樂老闆林建名(大少),最近為咗同何傲兒呢段「爺孫戀」而兩度流眼淚,結果梗係成為一時嘅佳話,不過話晒大少食鹽多過你食米,轉個頭抹乾啲眼淚又拖長髮新女到九展睇騷示威!噚日大少喺周刊訪問再講番自己嘅性史,自爆有好多性伴侶,17歲嗰年喺巴黎失身之後,跟住展開佢嘅瘋狂性史,好似試過喺英國同一個模特兒維持三年有性冇愛生活,又試過喺丹麥玩3P,兼且又上過飛鵝山車震,計計埋埋都有過千人!不過,話晒歲月催人,所以大少都認間唔中要食偉哥增強表現,仲話:「持久力冇問題,總之呢啲對我係一種運動,可以日日做,又可以忍住一個月唔做!」



■林建名喺周刊自爆有食偉哥,坦白程度認真驚人!資料圖片

揀女要波大冇腦

大少更暢談擇偶條件,佢要25歲以下、單身、上圍有料、長頭髮同非智慧型,𠵱家有幾名女友,有一個交往咗4年。對於周刊爆大少有台灣女友,佢噚日透過電話回應話:「封面嗰個?唔係呀,冇見(分咗手?)係呀!(咁𠵱家有幾多個女朋友呢?)唔得閒數。(之前同你去睇中川翔子演唱會嘅婷婷呢?)都係女朋友。」

撰文:馮仁昭



■大少與何傲兒嘅「爺孫戀」告一段落,不過大少又爆同女方爸爸仲有偈傾!資料圖片



鍾意就快D Share啦!