2014年8月18日星期一

杜德偉尾場舊愛君如撐場騷後歐遊慰妻君如,杜德偉,吳君如,

杜德偉尾場舊愛君如撐場騷後歐遊慰妻

2014-08-18 12:10:00

杜德偉尾場個唱，祖兒任嘉賓（左圖），而Alex連黑色打底褲都除埋（右圖），果然去到好盡！（攝影：仇志德）

杜德偉一連兩場《極杜世界巡迴演唱會2014》完滿結束，頭場有舊愛周汶錡，尾場就有舊愛吳君如，嘉賓就係容祖兒同衛蘭，佢哋一齊合唱《信自己》，仲有一班好友，關之琳同台灣富商男友陳泰銘、有就快結婚拉埋嘅鍾鎮濤同范姜，但係兩PAIR人開頭分開坐，之後去完個廁所就坐番埋一齊。除此之外，仲有張家輝、陳慧嫻、張智霖、林海峰、周柏豪、雷頌德、草蜢、上山詩納、關心妍和譚小環帶老公等等，真係星光熠熠呀！

尾場Alex繼續發表愛的宣言，台上大唱《情人》冧老婆Ice Lee，今次老婆仲感動到喊，再來一個深情嘴咀。另一個焦點，就係唱《脫掉》嘅杜德偉，一路唱一路除，尾場有少少改動，就係最後除剩嗰條鑽石底底，喺無咩打底褲架！唔知係咪尾場，所以有咁盡去到咁盡囉！演唱會兩度Encore，第一次Encore之後，容祖兒同蔡一傑死都唔肯定，同現場觀眾一齊嗌，Alex仲話刻意露出個大髀。

尾場完騷，Alex後台接受訪問，講到焦點唱《脫掉》時嘅鑽石三角褲，佢話：「都唔夠嗎？我真係驚俾人拉，大佬！其實鑽石嗰條之前係黃色嗰條打底褲，做完兩次綵排，大家都覺得唔夠，即刻再整多一條，黃色嗰條本來係底線，鑽石係後尾加落去，喺屋企自己演唱會都唔去盡幾時去，絕對係無加錯。不過，我都好擔心會除嗰時會除埋嗰條，嗰時就真係俾人拉！」Alex話佢曾經諗過再整細啲鑽石條褲，老婆喺側邊仲話好。

演唱會之後，Alex仲話會同老婆去補渡蜜月，不過會出席完B哥哥嘅婚禮之後，佢話：「會去3個禮拜歐洲，結咗婚都好忙無去渡蜜渡，老婆都抵得諗。」Alex話上次B哥哥做佢兄弟，今次演唱會後佢會任由佢吩咐。

講到兩個舊愛先後來棒場，Alex開心又感恩，佢話：「大家好朋友，keep住聯絡，之前君如叫我客串《金雞》我都有講笑叫佢喺我演唱會跳綱管舞，依家要留番下次。」