網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月24日 星期日

趙海珠樂做阿珠媽 趙海珠,




【親子放暑假】趙海珠樂做阿珠媽



其他影片:>>






新聞小花變阿珠媽 趙海珠開心湊囝日記

從「新聞之花」轉為法巴「輪后」,再到恒地高層,趙海珠(Alison)憑一張俏臉成名,現年只得33歲的Alison於11年嫁予富商老公Vincent,去年初誕下兒子陳彥熹(Hayden),她不想錯過囝囝成長的每一刻,決定放棄高薪厚職,投入湊仔婆的職場,成為阿珠媽,兩母子主要的節目是到playroom玩,建立親子關係之餘,又可讓囝囝在快樂的玩耍過程中學習成長。

撰文:羅慧敏



■一代新聞之花趙海珠現時為全職「湊仔婆」,親力親為湊大囝囝Hayden,樂在其中。攝影:陳慧安



■Alison經常帶Hayden到playroom玩,發現他會觀察生活細節。



■煮飯仔是Hayden最愛的玩意之一,兩母子合力炮製「食物」。

當全職媽咪並不是趙海珠的人生目標,一向有事業心的她為了剛滿19個月大的囝囝Hayden,毅然辭去工作,主力照顧小朋友,她日前接受本報專訪說:「好多人都話小朋友頭一、兩年時間過得好快,miss咗就冇,我都覺得係,佢真係大得好快,本來一嚿飯、到識爬、識行,到𠵱家識得講單字,唔鍾意會say no,有佢表達能力,秤一秤,唔想miss咗小朋友成長過程,覺得都係想stay喺屋企照顧佢為首要,自己𠵱家係全職,乜都係一手一腳去做,同佢一齊大,take care佢生活所有嘅嘢,我覺得自己都做得OK,由佢出世都𠵱家,由瞓覺到夜晚餵奶,所有嘢都親力親為,係好好嘅經驗。」

下個月Hayden便入讀學前班,今個暑假,Alison沒有安排密集的課程作準備,反而兩母子輕輕鬆鬆的相聚最重要,她閒時會帶囝囝到會所游水及到playroom,她說:「冇特別參加興趣班,主要係帶佢出去玩多啲,見吓啲唔同嘅嘢,喺屋企附近報咗間好大嘅playroom,裏面分有唔同嘅主題,有餐廳,可以做吓侍應,或者去salon剪吓頭髮。」



■Hayden乖巧可愛,Alison甜在心頭。



■Hayden平日在家愛玩LEGO及看卡通DVD,閒時更會到會所游泳。

學習生活細節

Alison指這間playroom每個星期都有不同的主題,她有時間就帶囝囝去玩,她說:「我覺得呢個活動對小朋友係有好處,因為喺玩嘅期間會發現佢識得啲乜嘢。平時唔會畀佢入廚房,極其量都係畀佢玩切蘋果玩具,但係喺playroom入面有間茶餐廳,會見到佢識得攞隻杯去斟嘢飲,攞啲蛋去煎,覺得好得意,平時唔覺佢原來都觀察到日常生活嘅細節。」

場地提供:Playhouse(北角新都城大廈)

品德規矩最重要

趙海珠生得好命,03年大學畢業後即加入新聞主播行列,憑甜美的俏臉獲萬千寵愛,6年後離巢成為窩輪天后,又轉做地產營業經理,份份都是高薪厚職,之後她更嫁個有錢人,人生際遇如此好,難怪有文章報道過「生女要似趙海珠」。

希望兒子也能有好命運嗎?她說:「當然希望,每個媽咪都想小朋友係最好,我哋好輕鬆,乜都冇所謂,我先生話做個好人就得!始終係品德同規矩重要啲。」

Alison的湊仔座右銘是要放輕鬆,她跟曾在外國留學的丈夫Vincent已有共識,要讓Hayden接受活動教學,她說:「我哋唔做怪獸家長,唔會谷佢,佢想做乜就盡量去做,會帶佢周圍去睇吓、聽吓,放開少少,等佢自己成長;我哋都係咁樣大㗎都OK吖!所以都唔想咁緊張。」



■Alison與丈夫讓兒子自由發展,希望他在快樂中成長。資料圖片



鍾意就快D Share啦!