掃呢頁CODE去手機

2014年8月11日 星期一

第四集講劏房問題 劉江慘被「燒死」




【維穩劇】第四集講劏房問題 劉江慘被「燒死」

2014-08-10 23:58:00



嗱,《我們的天空》話就話係以以香港民生問題、人物為藍本拍成,不過呢,頭三集就播完人人鬧,唔知呢集又點呢?

播出第四集嘅《劏房英雄》,顧名思義,講香港劏房問題,羅樂林就飾演一個有學識嘅落魄潦倒、但過份自信嘅劏房收租佬Frankie,劉江呢,就演一位有仔有孫、一家五口住喺舊樓細單位嘅豐伯。

豐伯為咗一家人唔使住得咁迫,就呃屋企人話去咗朋友屋企住,但其實係留落街頭。有日,Frankie撞見豐伯,就0氹掂咗豐伯用每月1200蚊嘅價錢租咗一個只得單人床位咁大嘅單位...Frankie開頭只係著眼錢,不過同豐伯相處耐咗,兩人建立咗友誼。

最後,劏房發生火警,Frankie冇事,但豐伯為咗番800蚊嘅「棺材本」,慘被大火燒死。Frankie念在同豐伯嘅一份交情,將大業主分派嘅5000蚊「搬遷金」俾咗豐伯個仔...最後用飾演記者嘅胡諾言嘅一留自述,話要政府要解決輪候公屋嘅問題,同埋話「貧窮唔單止會令人生活質素降低,仲會令勇氣都磨滅埋...」

哦。劇就由此王終都冇講過劏房出現嘅根本問題,點解香港樓價會咁貴?點解政府會任由劏房呢啲唔合乎消防條例、建築條例嘅單位存在?同埋,點解大業主可以用錢解決問題,其他一切置身事外?

大家思考吓啦。

































鍾意就快D Share啦!