掃呢頁CODE去手機

2014年8月13日 星期三

[FACE 377] 搵《好聲音》報仇 陳樂基KillerSoap MF,




陳樂基@KillerSoap

爆 Like王

搵《好聲音》報仇 陳樂基@KillerSoap

香港樂隊 KillerSoap主音陳樂基( Rocky),大膽用廣東歌〈月半小夜曲〉參加《中國好聲音 3》,咬牙切齒配上激昂歌聲,一鳴驚人, 4位評判一致讚賞,成功入圍。

Rocky是首位以廣東歌參賽的歌手,片段放上 YouTube後已超過 30萬點擊,令本來冇乜人談論、出道已 11年的 KillerSoap亦人氣爆燈。但原來 Rocky上年已參加過《中國好聲音》,當時冇評判 like,甚至連片都冇得播出街,苦練一年再參賽,念念不忘,真係好大迴響!







Rocky女友在浸大已認識,但他保持低調, facebook也甚少合照。

網上圖片

29歲的陳樂基讀中四已贏得學校歌唱比賽冠軍,之後鑽研歌唱技巧,每日練習 6小時,跟住幾乎贏盡十八區比賽。中六時期組成 KillerSoap五人樂隊, 08年於國際大賽奪得香港區及全中國冠軍,屬勁量級人馬。

Q:點解會參加《中國好聲音》?

有網友指陳樂基好似陳柏宇和甄子丹,他笑住話:「陳柏宇好靚仔,甄子丹好大隻,如果溝埋就好喇!哈哈!有人話我個嘴好猙獰,其實嗰段歌詞好輕呀,唔係用咁嘅口形會唱得好唔穩嘛。」

A:其實上年(第二輯)喺中國巡迴演出途中收到導演邀請 email,之後參加咗(以 Aerosmith的〈 I Don't Want To Miss A Thing〉參賽),但係導師一個都冇轉身,我嗰 part直情冇播出到,呢吓對我嚟講係個打擊;之後一年嚟畀心機練,錄低自己唱歌,逐樣改善。今年導演問我仲試唔試,我當然有興趣啦,呢一年嘅苦練就係為咗報仇!

Q:會繼續用廣東歌參賽?

G.E.M.於《我是歌手 2》表現突出,可惜最終攞唔到冠軍,被認為是內地騷偏幫大陸歌手, Rocky則認為滿意自己表現就夠,無謂太睇重得失。

A:可能我唱普通話,佢哋更加唔知我唱乜呢!廣東歌係高難度,但始終係我母語。我想繼續唱廣東歌,盡量係經典歌添,想人聽咗覺得係屬於我嘅歌咁樣,好似楊宗緯、蕭敬騰唱〈新不了情〉、〈背叛〉,咁我希望我都做得到。

Q:係咪要狂嗌高音至攞到高分?

A:我都做過好多歌唱比賽評判,你諗吓就知比賽係有佢嘅模式嘅,例如陳綺貞嘅歌係好好,但我唔會揀啲咁輕嘅歌嚟比賽,唔關大陸文化事,而係比賽就係需要一鳴驚人!

Rocky細佬 Sai Lo(右)兩年前加入 KillerSoap彈 bass,日見夜見難免會嗌交, Sai Lo話:「大家拗吓拗吓至會有好嘢出嚟,就住就住就唔係兄弟!」

Rocky以前教音樂,收入比唱歌多一倍,他表示父母將近退休,他又唔想放棄理想:「冇辦法啦,我青春只得一次!𠵱家就希望努力啲令佢哋唔使擔心」

Q:參賽有助內地發展?

KillerSoap成立已 11年,一直在香港冇乜知名度, Rocky認為:「會有啲失望!𠵱家香港樂壇係惡性循環,收入回報少,然後投資少,變咗音樂人要做其他嘢,好多時拍緊戲、拍緊劇,冇得練歌,最後出嚟嘅作品又唔好!」

A:我哋( KillerSoap)呢幾年都有喺內地巡迴演出,曾經喺南京有個場地係零個人,真係一個觀眾都冇,但我哋照玩晒,我嗰場內心係好激動,從此冇嘢再令我驚!

又有一個地方,開騷前有個人喺路邊刷牙洗面,我同隊友講,如果今晚多過十個觀眾,我就喺路邊刷牙洗面,卒之我係唔使洗,係咁㗎啦,邊有一步登天!

𠵱家好似好多人注意我哋,但你知𠵱家呢個社會啦,愈多人談論,萬一跌低就會跌得好慘,所以唱好啲最重要,暫時冇諗過搵唔搵到錢。



鍾意就快D Share啦!