網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月13日 星期三

[FACE 377] 笑夠未 全城笑膠面 劉思希驚到有幻覺 劉思希,熱門,MF,




真面目

笑夠未 全城笑膠面 劉思希驚到有幻覺

28歲落選港姐劉思希( Lisa),最近喺大台新劇《忠奸人》忽然躍升女二,拍住視帝視后郭晉安田蕊妮,同吳卓羲做一對,即刻被指靠關係上位,更惹來大批網友狂插演技屎、膠面整容之嫌。

全城勁插,據知劉思希壓力爆煲,仲試過食食吓飯有幻覺,覺得隔籬枱啲人都笑佢添!週日( 10日),愁爆劉思希約埋好友細細粒陳嘉佳食飯訴苦,食食吓仲忍唔住喊埋出嚟,唔係又出現幻覺吓嘛?







11年,劉思希參選港姐期間,豐滿嘅 C cup上圍同高䠷身形勁有睇頭,當年有後生版「廖安麗」之稱㗎!

2011年落選港姐劉思希,參選完港姐就加入大台簽做親生女,點知最近嘅《忠奸人》就引來連番惡評,高登仔更加冇手軟,不斷翻舊照,但劉思希就堅稱冇整容,話自己係天生「大細鼻窿」喎!

成日覺得畀人笑

澳門長大嘅劉思希拍過劇集《巨輪》,當時有傳佢喺背後揼水,安排劇組在澳門的酒店住宿,更得到監製王心慰信任,特登安排在《忠奸人》任女二,劉思希其後都有澄清,指屋企只經營小生意,根本冇能力幫手。

面對排山倒海的惡評,網民嘲笑膠面兼演技差,連日精神轟炸搞到劉思希試過出現幻覺,去到人多嘅地方,都聽到有人笑緊佢,所以思希父母都專登來港陪吓個女。

劉思希喺新劇《忠奸人》忽然做女二,而且化妝出事變膠面人,仲要好多大特寫鏡頭喎!係咪玩嘢?

劉思希被摷出選港姐前的舊相,與現時樣貌好大分別,所以惹來整容疑雲,真係認唔出。

劉思希同細細粒因拍攝《忠奸人》成為好朋友,知道劉唔開心,細細粒都特登陪吓佢,食飯時劉思希仲上網睇下新劇反應同網民評論。

喊足 5分鐘

週日( 10日),劉思希相約好友細細粒到銅鑼灣食飯,全程冇咩胃口,仲不停拎部電話,似係睇緊網民負評,細細粒都叫佢唔好理人講咩,講講吓,劉思希仲忽然滴咗幾滴眼淚,喊足 5分鐘。

之後本刊問劉思希咩事咁感觸?她說:「都有啲唔開心,佢(細細粒)知我壓力大,陪下我!(畀人話整容?)一定有啲壓力嘅,可能係化妝,我都澄清過。(靠屋企人關係上位?)屋企嘢唔想講,總之啲報導好多同事實差好遠!」夠唔夠個樣前後差得遠先?

細細粒捏鼻:佢堅㗎

劉思希被指整容,細細粒突然揑鼻幫手澄清,仲話佢個鼻係堅㗎,唔好再話佢整容喎!

細細粒知道劉思希呢排受到負評困擾,一有時間就陪食陪玩,順便開解好姊妹。

有傳劉思希拍攝《巨輪》期間,幫手安排劇組在澳門的酒店住宿,得到監製王心慰歡心,先可以在《忠奸人》做女二,不過劉思希極力否認,仲話拍攝時自己當時都係返屋企瞓,而父親只係經營小生意。

認唔認得我

韓國多靚女,精湛嘅變臉技術仲愈來愈發達。而近年中、港娛樂圈亦有唔少改造成功嘅例子,睇番佢哋出道時嘅樣,真係好難認出邊個打邊個?

A.早前獲男友高調贈送法拉利並宣布二人關係。

B. 06年香港小姐季軍,已懷有 6個月身孕。

C.與舊公司合約仍未解決,已停工三個月。

D.主攻內地拍攝,早前在港出席活動,個個都話唔認得佢個樣。

A: Angelababy

B:呂慧儀

C:江若琳

D:傅穎



鍾意就快D Share啦!