掃呢頁CODE去手機

2014年8月13日 星期三

[FACE 377] 愛回家 黃翠如搬新竇 蕭正楠陪買大床 翠如,蕭正楠,黃翠如,MF,




5/8  7:30pm

上週二本刊發現蕭正楠拖翠如 BB去九龍灣宜家家居睇大床,二人主攻雙人床,睇價錢時仲有商有量添!

真面目

愛回家 黃翠如搬新竇 蕭正楠陪買大床

黃翠如自 5月斷正上蕭正楠屋企過夜後,二人從此不再避忌,大方出埠拍拖旅遊,愛得痴纏。

拍拖唔夠 1年,仍處蜜月期,自然想見多對方幾面,一直跟家人同住的翠如 BB,加入大台後有唔少劇擔正,財政鬆動下,近日在同一屋苑花萬多元租下一個細單位自住。上週本刊發現蕭正楠陪住翠如 BB到九龍灣揀大床,二人身貼身睇傢俬,又有商有量,似足新婚夫妻咁款,連床及其他床上用品都一齊揀,真係愛能勝邪!







「暫時未有新劇開,翠如會上綜藝節目先。」

自世界盃期間播映《走過足球聖地》後,翠如 BB擔正的新劇《師奶 Madam》仍未播映,其經理人也承認翠如仍未接到新劇本。既然未有工開,翠如 BB專心拍拖。

睇完床就直接買埋四季被,呢方面就要由翠如 BB落手揀;而蕭正楠就緊貼 BB背脊,如入無人之境。

翠如 BB睇中嘅床架、床褥加埋等等都係 5千蚊有找,慳妹果然唔係浪得虛名。

上月去完大馬旅行叉電返港,二個笑晒口出閘,相信呢個短 trip真係令 2人增進咗唔少感情。

《蘋果日報》圖片

租細單位方便拍拖

37歲蕭正楠自 5月被爆跟何傲芝甩拖,撻着 32歲黃翠如後,二人即四圍拍拖。為爭取更多見面時間,翠如 BB亦不只一次被拍到返男友位於華景山莊屋企過夜。據知翠如 BB一直與家人同住馬鞍山聽濤雅苑,但自加入大台後收入變得穩定, 32歲女開始想學習獨立,加上拍劇時間不定,唔想半夜三更返家嘈醒屋企人,故翠如 BB早前已密密睇樓,近日已租住同屋苑一個細單位,方便返家飲媽咪靚湯,又可以跟男友有更多私人空間。

《蘋果日報》圖片

與家人同住馬鞍山聽濤雅苑嘅翠如 BB,平時係慳妹一名,只坐村巴及港鐵出入。最近忽然肯花約 1萬多元租小單位方便跟蕭正楠見面,愛情魔力問你點擋?

上週五( 8日)蕭正楠開完工,即單拖返華景山莊屋企,話唔定翠如 BB已喺屋企等緊佢。

小禮物冧蕭父母

新居入伙,翠如亦忙於為新屋添傢具,上週本刊發現蕭正楠和翠如 BB在九龍灣宜家拍拖睇傢俬,更主攻大床及床上用品。期間蕭正楠不斷在旁畀意見,據蕭正楠身邊人話,蕭正楠同翠如相處得好好,亦都見過翠如屋企人,大家都對蕭正楠好客氣,而蕭正楠屋企人亦好鍾意翠如 BB,一來翠如氹老人家有一手, 2來雖然只見過 2次面,但每次都會買見面禮,好有禮貌。

二人只係拍拖幾個月,始終未諗到正式同居,不過打得如此火熱,遲早嘅事

《師奶 Madam》令蕭正楠撻着翠如 BB。今年二月煞科後,翠如暫時冇劇拍,先有時間拍吓拖。

週日( 10日)翠如 BB出席活動,笑容滿面,有蕭正楠錫住,特別容光煥發。

正楠多情趣

自 5月被踢爆拍拖後, 3個月來,蕭正楠不斷製造小情趣俾

翠如 BB,溫馨過唔

少圈中情侶。

2/6 沙灘漫步

拍拖仍處於熱戀期,蕭正楠冧女都有一手, 6月 2日二人被拍到端午節正日假期拖手漫步人頭湧湧淺水灣,仲玩踢水, 37歲蕭正楠原來仲有 1顆少男心。

《蘋果日報》圖片

《蘋果日報》圖片

《蘋果日報》圖片

18/7 大馬蜜月

馬航客機墜毀無幾耐, 7月中翠如 BB就同蕭正楠齊齊放假去馬來西亞,掛名探朋友,實質就預支蜜月。 18日返港時仲被記者影到,不過二人堂堂正正笑晒現身,唔怪得蕭正楠後來回覆記者時話:「和她一起,沒甚麼可怕…」

《蘋果日報》圖片

18/7 唔願返家

翠如 BB同蕭正楠預支蜜月返港當晚,無返屋企反而約埋麥長青等人齊齊買外賣上男友家食,對咗成個假期都未夠,使唔使咁痴纏先?



鍾意就快D Share啦!