網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月27日 星期三

[FACE 379] 江湖恩怨 賭輸幾百萬 栢芝唔養 跛腳鬍鬚勇匿圍村避債 MF,




因欠債傳被債主痛打一身嘅鬍鬚勇,用遮作拐杖更要友人扶實,恐防隨時仆親再傷啲!

真面目

江湖恩怨 賭輸幾百萬 栢芝唔養 跛腳鬍鬚勇匿圍村避債

34歲張栢芝雖然已經帶兩囝移民新加坡,不過新聞依然不斷,繼早前再被指唔俾拉姑探孫仔之後,近日本刊收到可靠消息,指栢芝老豆張仁勇(鬍鬚勇)再次欠賭債幾百萬,今次仲搬到大圍圍村避世。

曾經幫老豆還過唔少賭債的栢芝,今次堅決唔再出手,結果鬍鬚勇早前傳被債主打鑊甘,日前由友人扶住,一拐一拐步行 5分鐘到附近圍村酒樓飲茶,一代坐館 55歲鬍鬚勇因賭落難!







位於大圍嘅曾大屋, 1848年建造,數數手指已經有 166年歷史,據知鬍鬚勇今次的藏身處,亦經圍村有力人士安排。

上週三( 20日),本刊發現在江湖上曾經風光的張仁勇(鬍鬚勇)在中午約 12時,在大圍曾大屋圍村由友人扶實,一拐一拐行出村口,並步向隔離乙明邨平民酒樓,花約 5分鐘上落樓梯先飲到餐靚茶。

「出面嘢無理好耐」

約一小時後,鬍鬚勇繼續由友人扶實步行返家,期間記者上前訪問,友人即用遮擋實,粗聲粗氣說:「唔好再影喇!」經記者多番游說,鬍鬚勇終開腔回應腳傷一事,但友人仍金睛火眼𥄫實記者防偷拍:「隻腳?無咩嘢!(柏文有冇探你?)有!(咁栢芝呢?)有嘅。(傳你出面爭人幾百萬無還,所以俾人打到咁!)由得佢傳(點解搬嚟呢度?)搬吓啫,𠵱家一個人住,有佢(身邊友人)照顧我。(出面啲事𠵱家點?)出面啲嘢我無理好耐喇!」

老豆匿圍村,栢芝就繼續富貴住中半山世紀大廈(圖),不過佢仲要負擔兩個仔吃喝玩樂同埋起居飲食,又經常帶埋乖仔周遊列國,查實栢芝負擔都好大。

柏文(右)企喺鬍鬚勇嗰邊,而豪龍(左)就碼實家姐栢芝,所以由去年鬍鬚勇被揭再次欠債後,張家成員關係大不如前。

歎茶時,鬍鬚勇仍然四圍望,不久便發現本刊記者!

避同場

栢芝出道初期,老豆鬍鬚勇經常跟出跟入,不過此情此景喺 02年後已經冇再出現過。

傳騙財

去年初鬍鬚勇被大字標題寫到明騙財 200萬,據知栢芝就在當時表明唔會再幫老豆還任何債務。圖片

點幫老豆戒賭?

賭錢害人,戒賭亦唔容易,除咗下列吹水建議外,認真嘅就有政府戒賭熱線發言人就話:「首要建立健康生活模式,嚴重時有需要見精神科醫生,家人同朋友支持都好重要!」

政府戒賭熱線: 1834633

鎖鐵閘

將鐵閘上鎖鏈,老豆被困屋內,無得出街即係無得去麻雀館、過大海啦,咁樣困住佢應該可以頂得吓!不過爸爸會唔會報警話你非法禁錮就閣下自理喇!

禁上網

家陣科技發達,要賭已經唔使出門口都可以賭到你破產。上網買馬、買波話咁易,所以第三個方法,係要將屋企所有通訊工具沒收,淨係睇吓電視,聽吓收音機咪幾好!

信耶穌

教會永遠都係導人向善,無論你本身係咪教徒都好,有個爛賭爸爸,試吓帶佢返教會,感化吓佢,他日可能佢會放棄過澳門而選擇返教會,阿門!



鍾意就快D Share啦!