網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月1日 星期五

「千頌伊」細佬安宰賢 月中首度襲港 同金宇彬JYJ打對台 千頌伊,金宇彬,




【韓流】「千頌伊」細佬安宰賢 月中首度襲港 同金宇彬JYJ打對台

2014-08-01 08:40:00



安宰賢(右)將於本月16日首度來港,撞正同鄉金宇彬(左)有活動。

韓劇《來自星星的你》紅遍亞洲,令劇中主角同配角都人氣急升,喺劇中飾演「千頌伊」細佬千允才嘅安宰賢,因為《星星》帶挈,而成為炙手可熱嘅韓國新星。

喺本港人氣高企嘅安宰賢,將於本月16日首度來港,出席品牌活動,雖然當日撞正同鄉金宇彬同男團JYJ都有活動,但安宰賢無懼同前輩打對台,論新鮮感已先勝一仗。

現年27歲嘅安宰賢,啱啱先拍完韓劇《你們被包圍了》,0依家每星期都要主持音樂節目《M! Countdown》,早前仲被內地片商睇中同《星星》中嘅「世美」劉仁娜,拍攝內地電影《婚禮日記》,工作真係接唔停。

其實身高6呎2嘅安宰賢,憑佢高瘦身形迷倒唔少本地粉絲,不過因為安宰賢一直忙於拍劇同主持節目,所以一直未有機會嚟香港會粉絲,不過噚日終於有好消息傳出,安宰賢將會首度嚟港出席天梭錶活動。

由於天梭錶將會擔任仁川亞運會嘅大會設計,為隆重其事,天梭錶決定邀請一名韓星來港宣傳,而安宰賢自《星星》後人氣急升,加上佢年輕活力嘅形象,大會最終以近七位數字酬金,力誘佢首度襲港。據知劉仁娜本身都在被邀請之列,但因為安宰賢比較有新鮮感,所以最終選擇咗安宰賢。

而本月16號撞正金宇彬嚟港宣傳電影《朋友2》,以及男團JYJ亦都係香港開騷,不過安宰賢無懼越級挑戰,亦都未有擔心自己嘅人氣唔及對方,佢謙虛話金宇彬同JYJ都係前輩,因為今次活動係代表韓國,所以令佢感到十分榮幸,亦十分期待來港。

據知大會預料安宰賢人氣驚人,所以會安排半百工作人員接待佢,仲安排入住六星級酒店,如時間許可亦會帶佢遊覽香港。



27歲嘅安宰賢拍完《星星》後人氣急升。



仲成為炙手可熱嘅韓國新星。









金宇彬嚟港宣傳電影《朋友2》。



劉仁娜



鍾意就快D Share啦!