【新鮮娛頭】羅彩玲酒量唔得： 啲人想灌醉我係唔Work呀
2014-08-02 07:45:00
（攝影：陳志嵐）
0靚模羅彩玲噚晚喺尖沙嘴一間夜店做DJ打碟，身穿黑色連身短裙﹑淺露事業線嘅Vivian表示，對上一次做DJ打碟，已經係一年前，所以今次有啲緊張，事前已經去惡補打碟技巧，因為始終太耐冇掂過部機。
問到擔唔擔心喺夜場打碟，有酒客飲大兩杯而發生推撞事件？佢淡定表示：「呢間夜店唔係首次做呢啲活動，保安好好，未有類似事件發生，都唔怕嘅。」
咁係咪返內地登台，啲人太過熱情反而有少少驚？佢笑言：「當然啦﹗又唔係自己地頭，可能會危險啲，不過都未有發生過乜事。」
問到若返內地登台或打碟，如有非份要求落枱玩或飲兩杯又點呢？羅彩玲就話：「飲一兩啖難免會有，但本身唔係好飲得，所以都係飲一兩啖，平時都唔飲酒，啲人想灌醉我係唔Work呀，因為自己都唔飲。」佢又坦言內地騷酬勞，比起香港好好多。
另外，羅彩玲表示公司嚟緊會開拍新戲，咁係咪做第一女主角呢？佢話：「未知呀，我始終係一個新人，就算係做第二都唔介意。」
羅彩玲表示太耐冇練打碟，事前已經惡補。
係咁易騷少少事業線啦﹗
|
鍾意就快D Share啦！
|
|
|