[忽然1周 1000] 忽然 1000期 經典重溫 MW,

媽咪姐

忽然 1000期　經典重溫

經典重溫之婚姻乏術

上期重溫了藝人拍拖嘅甜蜜片段，但回憶並非一定美好。

今期我哋就睇番一班出軌男星女星，佢哋為咗尋開心，不惜代價連自己形象也不顧，又或者做小三破壞人哋家庭幸福。

數最轟動最意想不到的，一定係李麗珍 04年的 3P不倫迷幻戀了。

其他影片：>>忽然 1000期　經典重溫　那些年那些情

473期（ 2004年 8月）　李麗珍不倫 3P戀

表面清純嘅李麗珍，當時雖然已與許願離婚，作為一女之母嘅佢，竟然被爆搭上已婚髮型師馬桂燦（ Jacky Ma），仲要同人哋老婆搞迷幻 3P派對。為咗滿足性慾，珍妹原來可以去到盡。不過當時被挑機嘅馬太李靜婷，亦並非省油的燈，一於向本刊冇底線揭露珍妹嘅陰暗面。所謂玩物喪志，珍妹玩到咁癲，形象當然一鋪清袋

Jacky Ma其貌不揚，但有本事同時令兩個女人對佢死心塌地。現時佢亦繼續揸鉸剪搵食，仲有班明星客仔支持。

珍妹同馬太原本係好好姊妹，乜都可以 share，但估唔到珍妹當時要求 share埋老公囉！

978期（ 2014年 4月）　李麗珍潘源良冇結果

珍妹有汲取教訓㗎，佢決定洗心革面，做個稱職單親媽媽之餘，又重返舊愛音樂人潘源良身邊。不過潘源良偏偏唔得珍妹個女歡心，搞到最後又係冷戰分居收場。睇嚟珍妹情路真係好崎嶇喎！

722、 723期（ 2009年 5月、 6月）　林文龍偷食郭可盈死忍

一段關係女尊男卑得太過分，往往會失平衡。一直被郭可盈食住嘅林文龍， 09年被爆偷嗒內地女星董維嘉，有晒電話錄音做證據㖭！正當大家以為郭會狠心斬纜之際，佢反而力挺老公，仲演化成被前經理人汪子琦勒索事件。結果涉案汪子琦被判坐監，林文龍同郭可盈就繼續恩愛，仲生埋個女㖭！

林文龍被指搭上董維嘉，事後佢否認指控，但就漏口風話同郭可盈出現過問題。

至於郭可盈口中所指嘅前經理人就係汪子琦喇！

汪子琦去年同馬賽爆攣情，今年二人分手後就互數不是，都上晒封面㗎！

269期（ 2000年 9月）　劉永背黎燕珊風流

1992年結婚嘅劉永同黎燕珊，濃情變淡。直至 2000年 7月，本刊已率先踢爆劉永收埋二奶，黎亦自揭同老公兩年冇性生活。兩個月後，呢位二奶終於見真身，同劉永又攬又錫。最後黎心死決定離婚，雖然事後劉永喊住求復合，但恨錯難返。

劉永當時喺車廂內同大陸女友親熱，場面火辣，冇得抵賴。

479期（ 2004年 10月）　謝君豪上海翻雲覆雨

憑《南海十三郎》上位嘅謝君豪， 04年喺上海拍劇期間拍出禍，除咗被斷正同上海妹 Anna連體夜蒲外，仲上埋女方寓所，足足翻雲覆雨咗 9小時先肯落樓。幾時都話強國女子非常進取，謹勸各位男藝人真係要訓練好定力先一路向北呀！

最終謝君豪獲得太太戚婉儀原諒，不過男人始終𥄫實啲好！ 09年，謝太就貼身陪老公北上。

鍾意就快D Share啦！

下一篇 》