網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月5日 星期五

[忽然1周 997] 黑客為 Bitcoin偷裸照?  101女星遭殃 裸照,BKD_S,MW,




珍妮花羅倫絲

黑客以珍妮花嘅裸照作為賣點,並聲稱擁有超過 60張淫照,令珍妮花成為是次風波最大受害者。

歐洋風

黑客為 Bitcoin偷裸照?  101女星遭殃

荷里活裸照風暴已經發生接近一個禮拜,抱住獵奇心態睇閃卡又好,同情 101位女星又好,最重要係 FBI究竟捉唔捉到真兇?公開裸照嘅真正目的為何?

有指黑客曾喺 4chan、 Reddit等論壇,公開要網民募捐電子貨幣 Bitcoin,更聲言只要收夠錢,就會發布新一輪裸照益街坊。

可憐一班女星,人人自危又乜都做唔到,淪為赤裸羔羊等待宰割。







荷里活呢單艷照風波,猶如陳冠希嘅淫照事件翻版,不過規模更大,受害女星據指高達 101人。

第一批裸照於美國時間 8月 31日開始瘋傳,兩大論壇 4chan、 Reddit先後出現多張裸照,當中包括影后珍妮花羅倫絲( Jennifer Lawrence)、新咪神 Kate Upton、小天后 Ariana Grande等數十位女星。大部分裸照均由他人操刀,有全身亦有器官特寫,面容清晰可見,真係想否認都難。

黑客四處炫耀

其實早兩星期,有網民已經化身「春江鴨」,率先知道慾照內情。據網站 Deadspin所講,一名男網民曾電郵報料,指有人欲以明星閃卡,交換女友裸照,而當中提及嘅名字,正正與部分受害女星不謀而合。雖然 Deadspin曾主動聯絡報料人,但對方未有回覆。而根據網站 Gawker指出,早前一名網民曾於各大討論區炫耀自己成功入侵 iCloud。有理由相信,黑客一直伺機爆大鑊,有預謀公開女星慾照。

Kate Upton

新咪神 Kate Upton慘被公開裸照及男友親密照。據指當中更有大量私處 close up及淫片,大膽程度令人咋舌。

Teresa Palmer

《熱血喪男》女星 Teresa Palmer現已結婚生子,但黑客竟然持有佢同前男友 Scott Speedman N年前嘅親密照,認真犀利。

Victoria Justice

身兼演員、歌手嘅 Victoria Justice被公開裸照後,即於 twitter反擊,指相片均為移花接木,死口唔認。

姬絲頓登絲

過氣「蜘蛛女」只被公開露點照,傷害程度雖然比其他女星低,不過佢怒氣沖沖喺 twitter留言,直言要「多謝」 iCloud。

瀰漫白色恐怖

疑似黑客 Bryan Hamade因為上載電腦桌面截圖而被網民起底搜捕。不過佢堅稱自己清白,只係為賺 bitcoin而扮黑客。

更離譜係,黑客自發布第一批裸照後,仍活躍於討論區,除炫耀手上「大把貨」,更留上 bitcoin address,聲稱只要籌到一定數值,就會將珍藏「分甘同味」,令一眾女星人心惶惶,瀰漫一片白色恐怖。

美國時間 9月 1日,一眾網民合力搜捕,捉到疑似黑客。不過呢位名叫 Bryan Hamade嘅仁兄,堅稱自己無辜。佢承認曾冒充黑客索取 bitcoin,企圖混水摸魚賺一筆,但一再重申始作俑者另有其人。事件發展至今,已移交 FBI處理。至於眾矢之的嘅蘋果,周二( 2日)發聲明,指黑客以正途方法(即 username、 password、 security code)登入攞相,堅稱 iCloud不存在保安漏洞,不過佢哋仍然會同執法部門合作,早日將黑客緝拿歸案,還受害女星一個公道。

「漏網之魚」有老有嫩

艷照名單上總共有 101位,至截稿前 17位女星已遭睇全相,其餘 84位岌岌可危。當中較出名嘅包括尊尼特普未婚妻 Amber Heard、天后 Rihanna、 Selena Gomez,仲有 model Cara Delveingne。最騎呢,係榜上居然有尊尼特普前女友、 42歲過氣玉女雲露娜維達,黑客嘅口味真係估你唔到。

艷照停不了

荷里活明星多,發生艷照流出嘅事件亦特別多,流出途徑更加層出不窮。各位姊妹引以為鑒,小心為上。

Blake Lively死口唔認

2011年《花邊教主》女星 Blake Lively嘅手機遭到黑客入侵,私照慘被公諸於世。不過佢死口唔認,班黑客都奈佢唔何。

Kat Dennings自我宣傳

《雷神》飾演影后妮妲莉寶雯助手嘅 Kat Dennings,於 2010年被公開裸照。不過事後盛傳係佢自行放料,為新戲《 Daydream Nation》造勢。

施嘉莉祖漢遜報警拉人

2011年,施嘉莉 email遭黑客入侵而流出裸照。佢事後主動報警,主腦 Christopher Chaney最終判入獄 10年。

Amber Rose遭人出賣

Model Amber Rose於 2011年先後兩次遭到發放艷照,佢矛頭直指其前私人助理,懷疑對方因遭炒魷而報復。

群星力撐 受害女星!

珍妮花羅倫絲等等一班女星私隱遭到侵犯,全城反應兩極化。有網民食花生等睇戲,亦有人發聲支持偶像,而荷里活一眾藝人則齊心譴責黑客,呼籲大眾停止睇裸照。

妙麗怒轟花生友

曾喺花生騷結緣而同珍妮花成為老友嘅「妙麗」愛瑪華生,除譴責黑客侵犯私隱,更怒轟一眾花生友,指佢哋肆意對受害女性評頭品足,係冷血兼冇同情心。

今年 7月,珍妮花同愛瑪齊齊出席 Dior花生騷,其間互相整古做怪,相當老友。

青蜂俠連環撐

「青蜂俠」薛夫洛根平日嬉皮笑臉,但喺裸照風波上罕見正經。佢指事件猶如賣賊贓,如此惡行不能容忍。

女笑匠護女權

喜劇界才女 Lena Dunham指睇裸照等同侵犯受害女星,呼籲所有人罷睇。

Alyssa Milano籲包容

裸照風暴爆出,有人歸咎女星私生活唔檢點。劇集《 Mistresses》女星 Alyssa Milano則捍衞苦主:「唔好扮冇 send過裸照。」指大家應該包容女星,勿搶佔道德高地。

Patricia Arquette反性騷擾

《鬼線人》女星 Patricia Arquette跟 Lena Dunham一樣,呼籲大眾罷睇裸照,指睇相行為等同性騷擾。

網民護偶像

網民自發捍衞偶像,有人自行露點(左圖),指人人裸露有乜出奇!另有人發起支持珍妮花羅倫絲行動(右圖)。

笑匠口臭抽水

眾星群撐,唯獨英國笑匠搞爛 gag,暗嘲女星唔放裸照,就唔會發生咁嘅事。其言論受到網民抨擊,及後笑匠龜縮, del post say sorry。



鍾意就快D Share啦!