[忽然1周 997] 古惑佬開騷蕉皮失蹤之謎 MW,

媽咪姐

古惑佬開騷蕉皮失蹤之謎

鄭伊健、陳小春、謝天華、錢嘉樂同林曉峰，上星期再度合體開兩場《友情歲月演唱會》！

有唔少 friend發現呢個「古惑佬」組合繼上年 11月叮走咗當年嘅《古惑仔》元老，飾演蕉皮嘅朱永棠，今次都冇預佢噃！媽咪姐就收到風，蕉皮被叮走嘅原因係因為佢阿哥朱永龍。有二五仔話：「好多年前朱永龍已經喺內地發展，但俾人話佢呃錢，做嘢又爛尾，仲俾人斬傷㖭！」因為朱生個底太複雜，所以「古惑佬」開騷都唔敢搵佢細佬朱永棠，怕有乜嘢麻煩，寧願搵錢嘉樂囉！

哎吔！「兄債」弟償㖭。（設計對白）

96年，《古惑仔》第一集，朱永棠企鄭伊健側邊㗎！傳聞佢依家喺台灣搞生意，仲結咗婚生咗女㖭。

估唔到錢嘉樂除咗打得之外，當晚仲舞王上身，表演霹靂舞呀！

錢嘉樂抱埋囡囡 Alyssa繞場一周唱〈與我常在〉，更大讚阿女：「你喺我心目中，係全世界最靚女！」手指指嘅囡囡，又真係好 cute！

鍾意就快D Share啦！

下一篇 》