[忽然1周 997] 噢，亞視連六合彩都無埋？ 六合彩,亞視,政治時事,MW,

老實講，無咗夏春秋嘅六合彩攪珠，已經吸引力大減。但亞視如果無埋呢個節目，查實……仲可以播乜呢？

媽咪姐

噢，亞視連六合彩都無埋？

亞視個免費牌照喺出年 11月屆滿，通訊局近日就商議續牌一事開閉門會議。亞視執行董事兼高級副總裁葉家寶話對續牌一事信心十足，仲話香港人唔可以無咗亞視喎。

但媽咪姐收到風，亞視隨時無埋六合彩嘅播映權噃！有六合彩之子之稱嘅蔡國威都話：「有聽過 TVB係做 standby，家寶都有同我哋講，一切要睇續唔續到牌。我就唔擔心。」其實舊年 6月時，亞視播六合彩攪珠，熒光幕就試過出錯號碼，呢件事令到有關當局好唔 like。難怪近日有消息話亞視播六合彩播到年尾，而嚟緊 9月馬季開鑼亦無得播㖭！

話說早喺上年 2月， now TV同 Cable都開始做賽馬，所以依家亞視嘅 sales都好擔心，如果亞視無埋賽馬同六合彩，都唔知仲可以用乜節目同啲客傾廣告咯，陰功！

之前亞洲會主席魏秋樺（左三）去通訊局遞信撐亞視。 Well，全香港應該真係得樺姐咁有心。

蔡國威（右）話對亞視續牌有信心。嗯，後生仔真係樂觀！你唔似朱慧珊（左）有老公養㗎。

鍾意就快D Share啦！

下一篇 》