[忽然1周 997] 霆鋒有襯過 霆鋒,謝霆鋒,MW,

媽咪姐

霆鋒有襯過

好多人同媽咪姐一樣，覺得謝霆鋒無時無刻要 keep住 chok，個人唔會太細心。吖，原來又誤會咗佢噃！呢日佢同高圓圓為電影《一生一世》宣傳，睇佢戴住太陽眼鏡踢拖咁 casual，睇清楚啲，佢嘅一身造型其實有襯過。上身全藍之外，對拖鞋先係重點，紅襯藍，同高圓圓條紅藍間裙，明顯係低調情侶裝造型。呢下心思，真係佢先諗到囉！

其他影片：>>拉姑鬍鬚 Kong甜蜜買喼

霆鋒入行近廿年，第一次拍愛情片，估唔到佢宣傳嗰陣，會配合高圓圓嘅造型襯色，啲腳趾甲仲無黑邊，俾隻白兔你！

拉姑鬍鬚 Kong睇喼出走？

拉姑早排呻話見唔到兩個孫，咁啱上個禮拜五（ 29日），阿仔霆鋒生日，佢哋全家慶祝，當然孫仔都喺度。一家團聚後，拉姑終於放心晒，佢呢日同老公鬍鬚 Kong去咗 IFC揀喼，睇嚟又打算去外地唞吓喇！

鍾意就快D Share啦！

下一篇 》