網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月12日 星期五

[忽然1周 998] 歌舞劇唱四首歌  Eason女接棒做歌后 Eason,陳奕迅,MW,




康堤率先唱出迪士尼名曲〈 True Love’ s Kiss〉,她又唱又跳,毫不怯場。

滾熱辣

歌舞劇唱四首歌  Eason女接棒做歌后

望女成龍的徐濠縈,戮力發功令女兒康堤成功入讀名校女拔萃後,亦全面催谷女兒的音樂及舞蹈天份,為她報讀音樂學校。未夠十歲的康堤,遺傳了歌神老竇的好嗓子及媽咪瘦削身材,難怪成為校內風頭躉。

上月 29日,康堤在上環文娛中心出騷,徐濠縈除了一家撐場,更搵埋星級觀眾何超儀、劉浩龍共二十人為愛女造勢。當晚康堤表演歌舞劇,在壓軸時負責唱出四首歌,在台上表現淡定,就連歌唱老師張崇基亦大讚「佢音準,拍子穩,把聲好清!」甚有小歌后風範。








徐濠縈為培養女兒成為尖子,教女一直是目標為本。為了令女兒升讀女拔萃,幼稚園開始,她已經為愛女準備多個興趣班,令康堤游水、畫畫、跳舞、唱歌、鋼琴無所不精。康堤讀 K2時,徐濠縈又刻意要女兒由維多利亞轉讀基督堂,貪基督堂升讀女拔萃機會高。

成功入讀女拔萃的康堤,近年更加入音樂學校「 Musical Kidz」,每周上課二次。「阿徐(徐濠縈)谷康堤成績之餘,知道個女鍾意唱歌、跳舞,亦力谷佢呢方面興趣。其實阿徐成日帶個女睇唔同形式嘅演唱會,康堤又聽老竇嘅歌大,耳濡目染下都好有天份。」知情者說。

除了唱歌,飾演仙子的康堤,一面大跳〈 Kung Fu Fighting〉,一面施展魔法對付女巫。

除了自己要唱好,康堤這個大姐姐仲要帶住其他小朋友表演,好在佢 lead得掂,盡現小天后風範。

康堤做主角反應佳

上月 29日, Musical Kidz在上環文娛中心搞演奏會,演奏會根據表演者年齡分為兩部分,康堤在上半部分低年齡組別演出。開騷前半小時,徐濠縈已經與幾名親友到上環文娛中心樓下,手持一大疊門票等人,還不時與其他家長吹水,心情靚爆。就算入場後,有三名親友遲到,徐濠縈亦親自到樓下接人,捧場親友大約有廿人。

現場觀眾透露︰「起初未輪到康堤表演時,徐濠縈不時和坐在身邊的劉浩龍,數住仲有幾多首歌就輪到康堤,鬼咁緊張。等到康堤壓軸現身,徐濠縈才專心睇騷,更不時打拍子支持。現場唔少家長都知康堤係 Eason個女,所以當佢扮演小仙子出場時,觀眾都特別落力歡呼。康堤共唱了四首英文歌,唱得有板有眼,亦唔怯場。半場休息前,康堤率先謝幕,徐濠縈拍爛手掌。」

入場前,徐濠縈不時同家長吹水,心情靚爆。

開騷前半粒鐘,徐濠縈已經揸住大疊門券,準備派給到場親友。

歌神老竇唔催谷

Eason父女關係甚好,今年父親節,康堤就為 Eason送上親手製作的氣球心意卡,而多年來康堤製作的心意卡 Eason一直都有 keep住。不過因為 Eason在康堤表演當日要開工,才缺席演奏會。

早前 Eason被問到,若女兒遺傳了自己的唱歌天份,會否讓女兒入行。他表示不反對:「我會照佢意願,唔會阻止佢做喜歡嘅事。上一代叔叔伯伯願意幫忙,代表爸爸做人成功,但我嘅女兒要做藝人,我唔會俾資源佢。」

徐濠縈有心栽培女兒做小天后,反而 Eason講明唔會配合幫手,看來兩夫妻除了添丁有拗撬外,教女的方法都有分歧喎。

忍唔到口

周一( 8日)放學,康堤先和同學到便利店買零食同飲品,之後康堤仲食咗兩塊薯片先上車。

翌日就是中秋假期,周一康堤顯得好開心,在便利店俾錢買零食時,與同學玩到忘晒形。

船 P教舞

早前徐濠縈搞船 P,康堤三點式下水,少女味湧現。當日她已經教其他小朋友跳舞,看來是即將出騷的她一時技癢。

康堤開騷當晚,徐濠縈家人都有捧場,阿徐細佬仲送花俾外甥女,呢個舅父認真 sweet。

行內人都俾 LiKE

本刊將康堤身份隱瞞,把歌舞片段俾歌唱老師張崇基收聽,張崇基話:「呢個小朋友有天份,佢音準、拍子穩,把聲好清,仲帶動到氣氛。小朋友又唱又跳唔易,我俾佢 85分!」

至於前大台音樂總監鄧智偉,亦大讚:「個小朋友聲底唔錯,啲歌唔易唱,佢 handle得好好,聽得出訓練有素,有 79分啦!」

直通皇家音樂學院

康堤參演的歌舞劇,由音樂學校 Musical Kidz舉辦,康堤亦是該校學生。

Musical Kidz不時都會搞音樂表演,早前更有份參與商台主辦的《饑饉三十》閉幕禮。

Musical Kidz由兩歲開始收生。據知康堤有報讀 Intermediate Vocal Class,每堂 45分鐘,價錢是$1300學 4堂。

學校會為報讀 Intermediate Vocal Class的學生,報考由英國皇家音樂學院認可的 ABRSM文憑。此校除了可以學唱歌,亦會授教鋼琴、結他、長笛等樂器。

官網都擺放了康堤(左)的合照,不過就冇寫明她的身份。

楊千嬅在演唱會上,亦曾經和 Musical Kidz的小學員合作。



鍾意就快D Share啦!