網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月19日 星期五

[忽然1周 999] 忽然 1000期 經典重溫 MW,




梁朝偉同 Maggie喺蘭桂坊飲完一輪,由偉仔揸車,轉場去黃埔比利桌球室繼續篤波。玩咗一晚,才送 Maggie返去「嘉雲臺」寓所。

媽咪姐

忽然 1000期 經典重溫

經典重溫之 love

睇完上兩期嘅男星尋歡同女星晒「事業線」,今期《忽周》同大家浪漫吓,睇番那些年嘅明星藝人甜蜜片段。好似影帝梁朝偉同影后張曼玉深夜篤波、視后佘詩曼俾同車視帝鄭嘉穎先「屈蛇」再踢落車、周杰倫當街擒女主播、仲有鄭裕玲同呂方風雨同路等等。但驀然回首,那人已經結咗婚、講緊仔女,甚至就嚟做阿爸咯!

258期( 2000年 7月) 朝偉曼玉篤波 sweet番晚

梁朝偉同劉嘉玲相戀 20年,直到 2008年喺不丹舉行婚禮,結束愛情長跑。但係佢哋拍拖期間,各自傳過唔少緋聞,其中梁朝偉同張曼玉( Maggie)嘅關係,最撲朔迷離。 2000年佢哋拍完《花樣年華》後,有一晚去咗蘭桂坊飲足 3個鐘!到凌晨 1點幾,偉仔仲同半醉嘅 Maggie轉場去黃埔篤波,直玩到凌晨 4點先願走。係情人定知己?真係要當事人先知嘞。

127期( 1998年 1月)

梁朝偉同 Maggie未傳緋聞同深夜約篤波之前,劉嘉玲同 Maggie都幾老友。喺中環蘭桂坊「九七吧」全盛時期,佢哋經常撇低男伴相約蒲吧。 97年 12月 21日凌晨, Maggie、嘉玲、上山詩鈉、關秀媚同當時仍在世嘅羅文就到「九七吧」通宵狂歡。

上月鍾鎮濤同范姜喺峇里舉行婚禮,有指劉嘉玲為避同場賓客 Maggie,同老公梁朝偉齊齊缺席。

323期( 2001年 10月) 哥哥唐唐經典手牽手

哥哥(張國榮)同唐唐(唐鶴德)相愛十幾年。 01年 9月,哥哥出席完喺會展嘅品牌活動後,轉場去跑馬地酒吧「 Alabar」消遣。哥哥明知有記者影相,仍一手拖住唐唐入酒吧。呢一刻,成為愛的經典。

713期( 2009年 3月) 阿佘嘉穎「屈蛇」地下情

各有一籮緋聞嘅前緋聞情侶佘詩曼同鄭嘉穎,上年又傳復合。早喺 09年 2月 21日,《忽周》已經影到鄭生揸住佢架全新黑色 GTI接載阿佘。不過當時佢哋拍緊《宮心計》,用「同事義載」做藉口否認戀情。阿佘仲緊張問:「係幾時嘅事?嗰時你唔嚟問我?」變相踢爆自己坐過男友車。

730期( 2009年 7月)

查實那些年阿佘經常「屈蛇」去鄭嘉穎位於西貢南圍村屋,有一晚掛 8號風球,入村條路水浸,要搵村民幫手推車,因為咁踢爆佢哋戀情。 09年 7月,《忽周》又發現阿佘喺南圍留宿後返家,但鄭嘉穎載住阿佘途經清水灣道大埔仔村嗰陣,發現有記者,竟然扭軚入村踢阿佘落車轉的士,而自己就揸車高速逃離現場。事後鄭嘉穎話:「我冇嘢再講,總之結婚至會認!」真係委屈視后嘞!

佘詩曼緋聞男友多到數唔晒,不過每次有鋪「屈蛇癮」,都係縮低坐男友車。

499期( 2005年 2月) 周董攬上女主播

承諾明年 1月前娶現任女友昆凌嘅周杰倫, 9年前同當時嘅人氣主播侯佩岑熱戀,趁住農曆年假期去東京 sweet sweet,喺「潮人聖地」代官山行足兩個鐘。其間周董不時喺商店入面輕抱侯主播纖腰,有時仲忍唔住從後熊抱女友,直到有 fans埋身攞簽名先肯鬆手咋。

319期( 2001年 9月) 嘟嘟呂方曾經風雨

嘟嘟(鄭裕玲)同呂方相戀長達 16年。喺 01年 9月一個落住滂沱大雨嘅夜晚,嘟嘟放下女強人身段,為雙手插住褲袋嘅呂方擔遮,又搭住男友肩膊驚佢淋濕。見到記者影相,佢至撇低男友一個人走先,而呂方急忙護花:「你哋唔好勉強嘟嘟啦,佢唔鍾意。算」依家?呂生身邊紅顏車輪轉,嘟嘟加油呀!

781期( 2010年 7月) 關之琳甜蜜遊花都

2010年,關之琳同當時傳咗 3年緋聞嘅台灣電子業富商陳泰銘同遊巴黎。 5日 3夜行程,坐頭等、住頂級酒店 Fouquet’ s Barriere同掃名牌。人在異地,警戒心都放鬆咗,兩人拖手街頭漫步。今年佢哋多次一齊去公開場合,戀情「地面化」!



鍾意就快D Share啦!