全城熱爆的娛樂八封新聞 & 時事趣聞 & 生活 + 趣聞
仲有個半月就開個唱嘅張敬軒，早前俾人影到話佢冇 mood去買衫，搞到佢喺微博數自己買咗幾多件衫，只係欠張晒冷相。
隔咗幾日，媽咪姐約咗班姊妹去中環置地 high tea，又撞到軒仔喺 Dior掃緊貨喎！呢日佢就笑晒口喺間舖行嚟行去，睇個款似全身大執，嚟緊冬天，都係時候換季喇。度身改衫後，佢連太陽眼鏡同古龍水都試埋，最後埋單又使幾萬。睇嚟下個月嘅兩場演唱會，幫佢搵唔少喎！
早前軒仔見到有報道話佢壓力大冇 mood，喺微博笑住話自己買咗好多嘢。又係嘅，使咗錢冇人知，蝕呀！
張敬軒唔只揀完裇衫同西裝，仲要度身改長度。
一場嚟到唔只揀衫，軒仔連古龍水都揀埋，睇嚟心情幾好喎！
軒仔買完嘢返歸，俾男 fans截停影合照，男 fans仲攬佢腰，佢哋笑得幾開心。
