網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月4日 星期四

[壹週刊 1278] 出面護妻 千嬅玩 SM惹插 丁子高開火還擊 丁子高,楊千嬅,千嬅,M1,




拍《色惑》 MV前,千嬅跟教練做 gym兼食營養餐,體重由 126磅減到 110磅。

探熱針

出面護妻 千嬅玩 SM惹插 丁子高開火還擊

囝囝 Torres轉眼兩歲,人母楊千嬅最近忽然解放,以性感谷胸 SM造型拍新歌《色惑》 MV,火辣突破,得到粉絲力撐,亦惹來非議,當中容祖兒粉絲高登瓊姐,便在 fb狂踩,結果辣㷫千嬅粉絲。

一手撮合千嬅與澳門新濠天地合作的丁子高,得另一半瞓身幫到盡,對於老婆被嘲 40歲行性感,丁子高護妻還擊:「請問 Madonna今年幾歲?」

容祖兒粉絲投彈

被彈年紀大,丁子高幫老婆發聲。

入行二十年的楊千嬅,一直守身如玉,性感有限度;近日忽然大解放,在《色惑》 MV玩性感 SM加挑逗舞步,人妻行性感,意外引爆千嬅與祖兒粉絲開拖。

當中容祖兒死忠粉絲高登瓊姐,在 fb狂踩千嬅年紀大,一幫祖兒粉絲亦留言加入戰團,辣㷫千嬅粉絲。

「千嬅 MV宣傳一出,瓊姐已經係咁狂踩,仲有容祖兒粉絲走去千嬅微博留言寸爆丁太,搞到兩幫粉絲開晒拖,不過啲刻薄留言好快就被剷走!」知情者說。

對於老婆被嘲年紀大行性感,丁子高忍不住留言還擊:「請問 Madonna今年幾歲?」甚至直指對方「唔識嘢!」內容充滿火藥味!

一手撮合

千嬅在「 MV發布會」上,與 Taboo歌舞奇藝表演者合影,疑似被摸胸。

今次一手撮合千嬅與新濠天地合作,為 Taboo拍攝火辣宣傳歌曲,正是丁子高。

「新濠天地一直係丁子高公司手上大客,之前吳尊同囡囡 Neinei幫水舞間慶生切餅,都係佢公司負責安排,今次幫 Taboo搞宣傳,丁子高搵咗老婆出馬,投資好大, MV製作好揼本,又喺銅鑼灣買咗個大 billboard宣傳!今時今日,唱片公司放喺宣傳嘅錢其實有限數,同其他公司合作,係互惠互利!」

事實上,自從○九年嫁人後,千嬅在打扮方面亦逐步放寬底線。

「以前千嬅唔多肯露,就算俾大嚿錢要佢做代言人,但只要話著性感啲,佢就一口拒絕,結婚之後佢嘅接受能力高咗,喺著衫打扮同生活方面,丁子高應該俾咗好多意見佢!好似以前佢唔鍾意做運動,但依家幾乎日日去跑步,勤力咗好多。」千嬅身邊人說。

容祖兒粉絲高登瓊姐,在其 fb狂踩千嬅。

造型引起爭議,千嬅在微博上表態。

千嬅大解放,粉絲有讚有彈。

在老公丁子高推動下,千嬅積極運動操弗。

楊千嬅容祖兒一直是競爭對手,兩幫粉絲亦各不相容。

唔好咁悶

藝人講包裝,經常換 look,令觀眾有新鮮感,亦可加強市場戰鬥力,不過效果好壞或是否被接納,其實都係搏一鋪。

汪明荃魚網絲襪

94年,汪明荃在無綫 27周年台慶上,穿上透視魚網絲襪在巨型咖啡杯上唱首本名曲《熱咖啡》,其一身性感造型兼風騷熱舞,掀起全晚高潮,並因此奪得當晚的「星輝大獎」。

章小蕙 SM造型

03年,章小蕙接拍楊凡執導電影《桃色》,戲中有不少裸露鏡頭外,還有露股 SM look和內衣等誘惑造型,引來極大回響,當事人更稱這些造型還未到個人極限。

周慧敏激嘴吳君如

一向玉女的周慧敏, 10年復出大銀幕,接拍許𩣑華執導的《得閒炒飯》破格做女同志外,更與吳君如及陳偉霆有不少大膽激嘴及床上戲。



鍾意就快D Share啦!


Related Posts Plugin for WordPress, Blogger...