掃呢頁CODE去手機

2014年9月11日 星期四

[壹週刊 1279] 打入大陸 網絡播放率過億 周麗淇大陸發圍 周麗淇,M1,




得咗!(設計對白)

探熱針

打入大陸 網絡播放率過億 周麗淇大陸發圍

林峯與周麗淇( Niki)合作的內地劇集《衞子夫》,在網絡播放率超過 1.3億,接近 10億觀看人次,成為收視 No.1。飾演平陽公主的 Niki,不單成功進身內地藝人榜頭十位,連中央電視台亦有意合作;一直無機會躋身國內吸金的她,終於食到胡。

拍劇價三級跳

《衞子夫》八月播出後,在內地收視一直向上攀升,網友爭論林峯飾演的劉徹造型扮相之同時,浙江衞視、安徽衞視的微博對平陽公主的表現同樣作出嘉許, Niki拍劇身價更三級跳。

「加咗少少啦,呢啲等公司搞」周麗淇說。

劇集反應好,據知中央電視台亦打算與 Niki合作。

「有幾套劇傾緊,而家睇緊劇本,自己唔太熟內地市場,最緊要夾到檔期,如果接咗電影就要睇吓啲時間點遷就。」簽入寰亞後,老闆林建岳一直希望可以為 Niki開一套度身訂造的電影。「公司嚟緊有幾部戲會開,有啱角色都會考慮公司 artist,一向都係咁,好正常。」

平陽公主一角深受網民歡迎, Niki更憑此角打入內地藝人人氣榜第八位,成功打入內地市場。

一級賣埠價

《衞子夫》在浙江衞視、安徽衞視及上海東方衞視的黃金時段播出外,同時亦安排在一個影視網站線上播放,至今已有 10億人次收看,成績超越同時段的所有劇集,成為全國收視冠軍。此外,劇集已成功賣埠到日本和馬來西亞等地,為 Niki開拓海外市場,成功邁進一步。

一直打不入內地市場的 Niki,終於憑平陽公主一角得到內地網民愛戴。

《衞子夫》在內地收視過十億,網上點擊率亦過億,是近年國內劇集收視 No. 1。

尚在接受中

○九年在內地拍過《書劍恩仇錄》飾演霍青桐後,事隔五年再拍內地劇,劇集受歡迎,令 Niki在國內人氣創新高。

「套劇收得,平陽公主個角色咁受歡迎,一定要多謝(劉)家豪哥同(梅)小青姐,由當年喺無綫佢哋俾我做拾義妹(《秀才遇着兵》),拎咗好多獎,今次又俾機會我拍內地劇集,真係要感謝佢兩個。觀眾鍾意個角色唔係我一個人功勞,小青姐、家豪哥同班團隊都有份,成為國內第一位係唔容易,呢幾個禮拜收到好多恭喜短訊,睇到網上好多評論,自己都適應緊,但我會繼續努力,希望有多啲唔同角色挑戰。」 Niki說。

《衞子夫》一劇與 nowTV合作播放,劇集成為國內收視第一, nowTV為此大搞慶功,找來眾演員及台前幕後出席,導演兼 Niki恩師家豪哥與 Niki相擁互賀,值得慶祝。

Niki的老闆林建岳亦準備開電影給 Niki擔演,可喜可賀。

有錢途

港台藝人北上搵食,拍劇郁吓都要留守內地兩、三個月起碼,時間換人仔,山大斬埋有柴,如果爆到一個劇,更加隨時賺到笑。

劉愷威

留守無綫多年的劉愷威, 07年將事業重心轉向大陸,憑《千山暮雪》走紅。 12年,他開始自組工作室插手製作,拍劇集《盛夏晚晴天》和《一念向北》;今年更有七部由他擔正的電視劇在內地輪流出街,北上多年,成功娶到國內花旦楊冪做老婆,業績十分理想。

劉心悠

05年拍電影《阿嫂》出道,一直廣告優於電影的她, 11年憑內地劇《步步驚心》為事業帶來突破,今年她主演的《步步驚情》收視理想,為她帶來多個代言人合約,好好錢途。

陳偉霆

03年參加新秀入行的陳偉霆,去年開始在內地拍戲,憑《少年四大名捕》人氣急升,之後連續接拍多套劇集及電影,成功打入十大人氣藝人榜。女友阿 Sa曾戲言男友有如已經移民內地,長做長有的他,現在有四層樓揸手,乜都抵番。



鍾意就快D Share啦!