掃呢頁CODE去手機

2014年9月11日 星期四

[壹週刊 1279] 乜都假 新移民港姐亞軍 王卓淇再爆整容 王卓淇,港姐,M1,




執靚個樣,但王卓淇保留 iPad身材。

探熱針

乜都假 新移民港姐亞軍 王卓淇再爆整容

今屆香港小姐選舉預演「假普選」,被踢爆內定三甲,其中亞軍王卓淇更加是非一籮籮,被揭是內地新移民,居港只得兩年半,未有三粒星身份證外;近日又再被大學同學篤爆,指她割雙眼皮、削面,執樣參選。據了解,為選港姐,王母更專登由住開的深水埗唐樓,搬到大角咀凱帆軒,粉飾太平,讓在單親家庭長大的王卓淇入行釣金龜。

改名執樣

大話港姐王卓淇,參選港姐初期刻意隱瞞是廣州人,到被踢爆是內地新移民後,才改口說來港已有三、四年,但一樣作大,王卓淇實際是二○一二年一月來港,居港只有兩年半。

「佢講嘢無句真,兩母女係用照顧年紀大嘅公公婆婆做申請理由,一二年一月拎單程證嚟香港,嗰時佢阿媽仲開心到化名『逍遙谷郡主』晒命,話終於可以同父母團聚,佢以前叫 Royki,後來又改名 Erin,佢阿媽就由 Hilda改名 Eva。」知情者說。

名可以改,樣可以變!近日再有王卓淇的同學爆料,指她為選美整容。

「一一年佢參選中華小姐環球大賽,割深咗雙眼皮,本身嘅方形面亦削晒,但嗰次乜獎都冇;今次選港姐,佢塊面又再尖多啲,終於俾佢攞咗亞軍。佢兩母女原本住深水埗唐樓,但為咗個女選港姐入娛樂圈,佢阿媽專登租咗大角咀凱帆軒一個單位住,方便隱瞞個女出身。」

母女為能居港非常興奮,在網上大晒感動。

整容前,王卓淇屬方包面,鼻翼闊,雙眼皮並不明顯。

扮港女

大話層出不窮,碩士學位未讀完,卻自稱是碩士一級榮譽畢業。

「佢話自己喺英國讀咗幾年書,但實際係舊年先去嘅,佢喺廣東外語外貿大學南國商學院讀完之後,一三年轉咗去 UWE(西英格蘭大學)本科讀多一年,之後再喺索立大學( University of Surrey)讀國際商業管理碩士學位,都未畢業!佢喺英國都扮晒香港人,喺大學參加 HK Soc(香港學生社團),同啲外國同學吹噓自己喺香港點叻,又話阿媽係搞美容生意,自己係太子女,其實只係賣化妝品!」王卓淇身邊人說。

二○一二年在廣東外語外貿大學南國商學院畢業。

一一年在入住的大學宿舍,與同學合照。

與男友一件外套兩份著。

在英國讀大學時的男友 Ray,家人在西環開茶餐廳。

王母悉心鋪路女兒入行做明星,更是王卓淇今次參選港姐的提名人。

王卓淇為參選港姐搬到現居凱帆軒。

是非選美

港姐是非多,候選佳麗負面新聞層出不窮外, TVB自定的投票機制,同樣備受質疑。

大話佳麗謝芷倫

今年候選佳麗之一的①號謝芷倫,被踢爆孭住經理人合約,在未有通知公司情況下秘密參選,其後又爆出已與拍拖三年的 I.T.男友 Simon訂婚,為參選港姐大話連篇。

假普選

今年以公投冠軍搞噱頭,但實際上是先由 TVB篩剩最後三強,再由市民一人一票選冠軍,市民支持的大熱反而全部被 out,引起網民大鬧,指 TVB假普選。



鍾意就快D Share啦!