掃呢頁CODE去手機

2014年9月18日 星期四

[壹週刊 1280] 水底影婚紗 黎諾懿老婆 Big爆 黎諾懿,M1,




黎諾懿和未來老婆李潔瑩同樣弗爆,男的朱古力肌夠 man,女的身材惹火,外形襯絕。

探熱針

水底影婚紗 黎諾懿老婆 Big爆

34歲黎諾懿今年底迎娶家族做美容院生意的 31歲落選港姐李潔瑩,由於雙方親友多,喜宴要男、女家分開兩日擺。

未來老婆屋企有!但黎諾懿堅持靠自己,婚前登台拍廣告開車房搵老婆本, 30圍酒席加 4卡婚戒,使過百萬冇手軟。上週六( 9月 13日),黎諾懿與鍾意潛水的李潔瑩影水底婚紗相,準新娘身材 big爆,好得!

影相使十萬

李潔瑩曾於○七年參選港姐,樣靚身材正,當時甚受注目。

《愛.回家》不斷添食,黎諾懿婚期一再延遲至今年年尾。開工之餘,還要籌備婚禮的黎諾懿,上週六(十三日)特別 book好一個私人泳池,與喜歡潛水的準太太影水底婚

紗相。

「阿諾(黎諾懿)同 Nicole(李潔瑩)影婚紗想玩水同火,佢哋都有潛水牌,影之前跟導師練習咗一日,又自己練水底開眼,保證出嚟效果靚啲!影水底婚紗相嗰日有四個潛水員,夾埋拍片嘅攝製隊一共有十四個人,大製作!連埋租泳池,埋單近十萬。」知情者說。

水中做出人肉心形標誌,夠晒 sweet。

黎諾懿幫李潔瑩整理頭髮,非常體貼,錫住老婆。



李潔瑩原本穿肉色 bra top,再裹上白紗,但黎諾懿驚太透視,要求她換衫。

驚老婆走光

當日先由黎諾懿落水,晒朱古力肌影單人相,為求效果,在水中浸足個幾鐘。之後李潔瑩落水,他亦全程傍實教路,其間見未來老婆的肉色 bra top箍得不夠緊,慌住會走光的他即提議換過,睇得好緊。水中的準新娘身材「胸」湧,黎諾懿果然夠眼光。

大陣仗

上週六(十三日),黎諾懿 book了私人泳池,加上十多人的攝製隊拍水底婚紗照。

黎諾懿胸肌有睇頭,相信令不少男士羨慕。

孭起頭家

外家富貴,被指是駙馬爺的黎諾懿強調娶老婆講心唔講金,又配合做生意的外父外母,以陽明山莊作為擺酒場地。準新郎日日要開工,婚禮籌備主要由未來老婆搞,連四卡婚戒也是李潔瑩個人心水,黎諾懿只負責埋單。

為了未來的二人世界,黎諾懿早已在元朗近邊境買下價值近千萬獨立屋,做好撐家準備的他,除了參演處境劇爆騷平均月入八萬,及攝期北上登台外,他又跟胞兄合資搞車行,做生意開發財路。

咁搏,的確嫁得過!

日前黎諾懿去中環買鑽戒給未來老婆,即場寫支票付款。

黎諾懿和胞兄合資開車行,平日他會落手落腳幫手。

車行生意好,黎諾懿有多條財路。

雖然李潔瑩家境富裕,但她跟黎諾懿拍拖生日平民化,平日都是睇戲吔茶餐廳。

黎諾懿早已在元朗購入獨立屋作愛巢,十分有計劃。

5萬起標

近年流行的水底婚紗攝影,不計化妝整頭婚紗,單是拍攝費用便要三萬起跳,連同租泳池及其他雜項,埋單平極都要五、六萬。

「細泳池日租四至五千,喺水底開眼影相,水質 pH值要調到 5.5,唔可以求其。四個潛水員人工要兩萬,攝影助手都要有潛水同拯溺牌。將成個影樓搬落水底,器材成本好高,試過有啲客想慳啲,喺西貢對出海域拍,但啲水濁到伸手不見五指,仲有屎漂埋嚟!如果啲客唔想用泳池,我哋寧願提議去東南亞,水質同景都靚啲。」一名業內人士說。

李潔瑩拍照時,有六名工作

人員落水幫手,黎諾懿亦站在攝影師旁監場。

李潔瑩在水底拍攝時,有兩名潛水員護駕,更有攝影助理在旁拍花絮。



鍾意就快D Share啦!