2014年9月18日 星期四

[壹週刊 1280] 劉華雙面人 劉華,劉德華,M1,




今時今日劉華片酬要 2,000萬人仔起跳!想星爺開戲預劉華,難上加難!

120萬?俾多個零都未夠(設計對白)

同你吟一吟

劉華雙面人

因為一段網上文章,激發向太陳嵐公開鬧爆周星馳,仲話想當年星爺搵劉華拍戲,就開 2千萬片酬俾自己,劉天王就得 120萬,自此,劉華親口同向太講:「同周星馳唔再係朋友。」

因上個禮拜五(九月十二日),劉華同葉德嫻宣傳電影《爭氣》,被問到同星爺嘅恩怨,劉華回應:「我唔係話佢唔係我朋友,我係話向生(向華強)係我過去、將來同而家嘅好老闆,可能我表達能力問題,令向太誤會,(咁星爺呢?)係咪朋友我唔敢講,但以往、而家、將來,我都係佢影迷。」至於星爺俾 120萬片酬佢,劉華答得更有技巧:「傳聞啫!我哋有傾過合作,但條件方面,我哋雙方都好有禮貌咁拒絕咗對方。」

嗱!劉華呢招,順得向太情,又唔會失星爺意,至於劉華同星爺係唔係朋友? 120萬堅定流?八珍信向太囉!

其實葉德嫻都出名難服侍,不過人夾人,起碼佢同劉華啱 channel。

劉華接戲要有最終剪片權,而星爺鍾意改劇本甚至用劇本掟人,亦聞名影圈,一山又豈能藏二虎。



鍾意就快D Share啦!
Related Posts Plugin for WordPress, Blogger...