網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月25日 星期四

[壹週刊 1281] Kabby坐正 松岡行得走得 星爺內定美人魚 松岡,周星馳,星爺,許雅婷,Kabby,美人魚,M1,




探熱針

Kabby坐正 松岡行得走得 星爺內定美人魚

對向太插爆一事保持沉默的周星馳,日前閃縮現身深圳,為其新作《美人魚》公開招募進入最後六個階段做評判。其實當晚的真人騷只是一場大龍鳳,據了解,大熱香港代表 Kabby許雅婷早已內定做女一,至於由星爺親自夜釣進入比賽的松岡李那亦已獲分派角色,被呵住的她毋需浸水扮美人魚,有腳做正常人。

整色整水搞招募

月初開始,周星馳為新戲女主角在中、港、台進行網上招募,有超過六萬人報名,萬計參賽者晒胸唱 rap,在鏡頭前卸妝露真樣奇招盡出爭入圍,經過為期一星期才藝訓練,上週二(九月十六日)已揀出最後六強,進入決賽。

據了解,鬥餐死也不過是陪人做騷,其實星爺早已心中有數,內定女主角人選。

「比賽開始無耐已經收到風 Kabby係做女一,佢間經理人公司有份投資套戲,所以坐定粒六,連本來應承同惠英紅合作套鬼片都推埋,比較起其他女仔, Kabby比賽時都真係特別鎮定。」知情者說。

做硬女一, Kabby經理人 Roy答得技巧。「我哋仲未收到劇組通知,不過就知最後有份入圍嗰六個女仔,全部有份參與呢部戲。」

狂野搶位

因為性格狂野主動,所以松岡討得星爺歡心,更有傳戲份分分鐘多過坐正的 Kabby,而導演錢國偉亦同樣對她照顧有加。

外形清純的 Kabby,唔單只成為星爺新片女主角,更一早被郭富城𥄫中,私訊約會。

有指 Kabby是內定女主角,故比賽時表現平穩,就輕易過關。

戲份愈加愈多

至於早已得到星爺關注的松岡李那雖然冇得坐正,但戲份亦不少。「松岡嘅角色好搶,佢唔使做嗰啲唔係抽筋就黐咗筋有缺陷嘅美人魚,可以做番一個正常靚女,又唔使浸住水開工咁辛苦。」

難得有機會埋周星馳堆,熱情的松岡不敢怠慢,近期頻頻以問劇情講角色做藉口,跟星爺短訊交流,愈主動,松岡戲份亦愈加愈多。

此外,戲中男主角亦落實是跟星爺合作過的小豬羅志祥。「其實星爺想用徐崢多啲,因為佢有內地票房,不過佢嚟緊要開自己部《港冏》,年底先有期,但深圳啲景已經搭好,星爺唔想拖,所以都係用俾到期嘅小豬。」知情者說。

入圍班港女不但要接受騎呢「特訓」,還要公開素顏鬥靚,做星爺「新女」,真係要豁出去。

由招募、入圍到贏安慰獎, Barbie都以騎呢取勝。依家俾佢搏到個配角位,辛苦晒!

揀蟀期間,要現身的星爺撞正俾向太公開插爆,他唯有包到冚避傳媒。

大把女 fans的小豬(羅志祥),有傳是《美人魚》敲定的男主角。

38H崔碧珈亦有參加比賽,不過晒胸亦不敵其他女仔,一樣係陪玩。

徐崢早前來港揀女拍《港冏》,本刊發現他在九龍城打邊爐,身邊有唔少𡃁模陪食。



鍾意就快D Share啦!