網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月20日 星期六

梁詠琪陳茵媺齊陀B三個半月 茵媺,梁詠琪,陳茵媺,




梁詠琪陳茵媺齊陀B三個半月



其他影片:>>






齊齊陀B三個半月 GiGi巨肚撼贏陳茵媺

娛圈生B喜事停不了,繼鄭中基太太余思敏和謝天華太太Tina先後宣佈有喜後,昨日喜事更打孖上,梁詠琪(GiGi)和陳茵媺兩位人妻昨晚出席中環珠寶活動時,亦齊齊宣佈懷孕三個半月,兩個大肚婆一見面更握手互相恭賀。不過,穿貼身裙的GiGi昨晚明顯肚凸凸,搶眼程度撼贏陳茵媺。

現年38歲的梁詠琪與西班牙籍老公Sergio 11年結婚後一直努力造人,本報7月時曾率先爆GiGi與老公到美國旅行時一擊即中懷孕成功,但因胎兒當時還未夠三個月,GiGi怕BB小器而未敢公佈喜訊。直至昨日,GiGi傳出有孕後首度出席公開場合,於中環ifc參與Mikimoto x Hello Kitty珠寶展開幕禮,終開腔承認懷孕三個半月;同場另一人妻陳茵媺亦宣佈懷有第二胎,可謂喜上加喜。



■懷孕三個半月的GiGi昨晚肚凸凸現身,估計她陀的將是重磅巨B。

Emilio Pucci粉紅色拖尾晚裝

$39,190



■懷有第二胎的茵媺跟GiGi握手互相道賀。



■茵媺自爆是有計劃懷第二胎,不過肚子卻未及GiGi明顯。

留港生B阿媽照顧

GiGi昨晚穿上兩吋高踭鞋及粉紅色貼身裙登場,雖然她跟陳茵媺同樣懷孕三個半月,但GiGi明顯肚凸凸,肚子比陳茵媺大許多。對此GiGi笑說:「媽咪都話好大,可能BB吸收咗啲水保護自己。」大肚心情如何?GiGi說:「緊張,第一次唔識,媽媽教我好多。BB照咗,未知仔定女,冇所謂,先生想要女,覺得會嗲啲,我就覺得女可以接收我啲首飾同手袋。」生女後可再追仔?她即說:「太長遠,𠵱家係感恩,有失望過(指一直努力但未成功),去完旅行輕鬆咗,返嚟三個禮拜先至發現有咗,初初唔知,仲做咗個演唱會跳舞。」GiGi不知道是否在美國造人成功,問在那裏生B時,她說:「喺香港,因為有媽咪照顧。」有否作悶作嘔?GiGi說:「成日嘔,𠵱家唔係好食到嘢,老公花心機煮嘢畀我食,我見到就嘔,我同老公講sorry。」GiGi表示現不能食肉和油膩食物,主要食白飯、紫菜和每日一包朱古力奶,GiGi笑說:「同事話因住生出嚟好黑。」

重了6、7磅的GiGi又謂:「好神奇,睇書話生咗耳仔出嚟,所以𠵱家成日同BB講嘢,未夠3個月就同佢講加油振作,𠵱家夠3個月就鬆咗一口氣,老公會貼住佢講嘢,自己就唱歌畀佢聽,乜嘢語文都會同佢講。」



■着住兩吋高踭鞋的梁詠琪跟Hello Kitty擁抱時小心翼翼。



■GiGi跟老公Sergio早前到美國旅行,估計此行造人成功。

茵媺第二胎有計劃

33歲茵媺去年12月才為陳豪誕下囝囝陳梓燁(Aiden),想不到囝囝僅9個月大,茵媺再度懷有第二胎,兩公婆果然勤力。茵媺昨晚穿露肩裙和四吋高船踭鞋現身,談到再有喜,她笑說:「係呀,未知仔定女,有咗三個半月,好興奮,一路好想兩個小朋友年紀接近,年紀接近會friend啲。」茵媺表示仔女也沒所謂,至於是否兩個夠晒數?她說:「睇吓搞唔搞得掂,遲啲先諗。」之前茵媺抱B曾弄傷手,她指還未完全康復:「有咗第一個經驗,會小心,識得去就。𠵱家沖涼、餵嘢食、換片都係自己做番,希望第二個都係咁,所以要保護隻手。」

老公是否要再勤力搵錢?茵媺說:「佢努力,我都努力。」大肚是否停工?她說:「我會做event,好似之前咁,我好鍾意拍戲,匿埋唔做嘢唔係我性格。𠵱家演戲放低小小,做咗人生大事先。」茵媺指今次是有計劃造人,現時仍有妊娠反應,加上要照顧大仔,所以份外辛苦。問可覺搶了GiGi鏡?茵媺說:「大家都有小朋友,係雙重開心。」記者笑問陳豪是否不想老婆拍劇,所以再搞大她的肚時,茵媺謂:「佢不嬲支持我做嘢,我冇打算唔做戲。」講到陳豪近日變肥,茵媺笑說:「係陪我一齊肥,我唔覺得佢肥咗,佢依然好型,喺我眼中佢依然完美。」記者昨日致電恭喜陳豪,他透過WhatsApp說多謝!

採訪:林嘉慈

攝影:陳順禎



■陳茵媺在囝囝Aiden出世僅半年便急急再造人。微博圖片



■陳豪近日翻脹,原來是陪茵媺一起食一齊肥。

資料圖片



鍾意就快D Share啦!