【短片】【鋒菲復合】最新圖片 栢芝出院後現身 樸素湊仔心情靚
2014-09-23 00:56:00
王菲同謝霆鋒復合咗之後，佢哋兩個當然受到大家嘅關注，但係霆鋒嘅前妻張栢芝都好受大家嘅關注，而喺噚日，就有網民見到柏芝喇。
噚日喺一個網民嘅微博，就話喺新加坡見到，仲同栢芝合照，見到柏芝笑晒咁，心情好似唔錯咁，而個網民仲話：「午飯後逛街碰到栢芝姐～ 哦耶，人超級友好呢，超讚的。」晚上又有網民貼圖話於新加坡見到栢芝，但就未有註明係邊日。相中栢芝略顯疲態，精神還可以。
而王菲嘅前夫李亞鵬就喺內地，俾內地傳媒影到孤單一人喺北京東四環附近一間足療店按腳，逗留個幾鐘頭，佢拎住一支嘢飲離開。當時李亞鵬喺足療店問外徘徊，似乎係在等人。門外嘅女服務員仲主動同佢搭訕，李亞鵬亦都好親切咁同女服務員閒聊幾句，之後去咗路邊，但女服務員似乎死心不息，跟着李亞鵬去到路邊，熱切地問佢嘅車喺邊。李亞鵬用手一指來回應，過咗陣一位男士就跑過來，同李亞鵬一起上咗一輛黑色房車離開。
栢芝睇落去心情唔錯喎。(微博圖片)
其實喺新加坡，不時都可以見到栢芝。(微博圖片)
李亞鵬俾內地傳媒影到一個去足療店按腳。(互聯網圖片)
晚上又有網民貼圖話喺新加坡見到栢芝。 (互聯網圖片)
|
鍾意就快D Share啦！
|
|
|