2014年9月26日 星期五

張繼聰傷脷鏠針少說話 謝安琪:佢純如小綿羊.... 謝安琪,張繼聰,




【新鮮娛頭】張繼聰傷脷鏠針少說話 謝安琪:佢純如小綿羊....

2014-09-26 07:40:00



(攝影:沈健程)

謝安琪(Kay)﹑貝安琪﹑高鈞賢﹑大肚婆陳爽及尹蓁晞等,噚晚出席灣仔舉行嘅BMW新車發佈派對,身穿高衩裙露玉腿﹑腳踏約六吋高踭鞋嘅Kay,走路時小心翼翼,Kay喺派對上獻唱兩首歌。

問到係咪有換車念頭?佢話:「係呀,屋企人個個都識揸車,我着重功能,唔使豪華。」咁品牌有冇送車畀佢呢?Kay說:「我買車好捨得,係實用品,而且自己住得遠。」

另外,講到老公張繼聰日前傷脷要鏠五針,Kay噚晚講返件事,佢話:「嚇死我呀﹗0依家阿聰喺我心目中係一個奇人,條脷好似穿咗窿咁,其實咬脷自殺應該唔work,流好多血但冇乜點攰。」

Kay又謂老公現時要食超流質食物及要攤凍食物,佢話:「呢輪老公好少說話,純如小綿羊咁樣,平時阿聰喺屋企玩兩小時棟篤笑,不停講嘢都得,0依家認識佢另一面,好文靜,文靜得嚟仲好風流倜儻。」

咁咪冇得Kiss?Kay笑笑口:「哎呀,唔啦﹗根據醫生所講,條脷自己癒合的話,要三星期先好返,但因為要開工,所以要縫針,有少少影響工作。」不過Kay仍稱讚老公:「見到佢咁痛苦,仍然堅毅男人。」



Kay笑指老公阿聰0依家純如小綿羊。





性感人妻。



大肚婆陳爽挺巨肚出席活動。





貝安琪



鍾意就快D Share啦!
Related Posts Plugin for WordPress, Blogger...