掃呢頁CODE去手機

2014年9月17日 星期三

Bosco 29歲新歡 做黃媽媽契女 殺入香港市場 Bosco,黃宗澤,




【短片】【內地女星夠進取】Bosco 29歲新歡 做黃媽媽契女 殺入香港市場

2014-09-16 16:25:00



其他影片:>>






Bosco 29歲新歡 做黃媽媽契女 殺入香港市場

大台小生甫踏足內地發展,十個十一個都難免多戀事。之前有林峯吳卓羲被指「食女無數」,依家又有個黃宗澤。未計之前有個大乳牛柳岩因拍《麵包樹上的女人》撻着,事後柳岩聲淚俱下澄清未有做小三,黃宗澤亦例牌否認;今年初又傳黃宗澤因拍內地劇《少年神探狄仁傑》同女星戚薇撻著,喺橫店片場眉來眼去,更被指於酒店房密會。

名都未記得,樣更加未認得,今年8月忽然又傳黃宗澤同內地女星孫驍驍因拍劇集《少年神探狄仁傑》而擦出愛火,拍拖兩個月,仲話已經見埋家長。據知年屆29歲嘅孫驍驍識得行奶奶政策,冧得掂黃媽媽,兩人不止互相關注微博,仲一齊拜佛兼上埋契,係真係「與佛有緣」定係「進取」就見仁見智喇!之不過,對孫驍驍嚟講,識著黃宗澤呢個「契大佬」都真係唔錯,一來多咗兩個「親人」,二來得力於黃宗澤,名正言順來港發展,仲靠男方人脈引薦,進軍香港娛樂圈。

噚晚黃宗澤新片《男人唔可以窮》喺九展舉行首映,嘩,犀利囉,孫驍驍蹺實黃宗澤媽咪一齊出場,仲同黃宗澤「一家三口」影「全家福」添!

記者笑黃宗澤帶埋緋聞女友到場,佢即刻澄清謂:「唔係緋聞女友,佢係我阿媽個契女,係我契妹。」真係唔係女友?黃宗澤再謂:「冇 !係契妹!有啲女仔你係知道唔可以發展到男女朋友關係,阿妹依家同之前公司已完約,會來港發展,介紹啲人俾佢識。」有契哥搭路,驍驍掂

問黃宗澤究竟孫驍驍點解會同黃媽媽上契?佢就話:「佢同阿媽都係拜佛,所以好啱傾,總之唔係大家所想咁樣。」叫孫驍驍介紹女仔你識囉?佢即話:「係啦,叫佢快啲介紹!」好心急咁喎?係咪好dry?黃宗澤又即刻收番:「唔係,講笑啫!」

孫驍驍話咁快就入到黃家廳堂仲成為一家人,舊愛楊崢一直得唔到黃媽媽歡心,見到此情此景真係百般滋味在心頭,難怪之前被問及點睇孫驍驍時一律話唔回應,中秋節又冷清度過,日前更被拍得揸舊車相約友人訴苦。係喎,俾黃宗澤收番架古董車,就當係南柯一夢囉。



攝影:陳志嵐





孫驍驍嚟到香港,特地光顧對方間蠔吧。(微博圖片)



噚晚就以「一家人」身份,撐契哥黃宗澤新戲首映。



滴晒汗…咩事呢?



29歲嘅驍驍,主打係賣萌。















湖南乳牛柳岩



真係蹺住出場0架…







鍾意就快D Share啦!