掃呢頁CODE去手機

2014年9月30日 星期二

放完大假要開工喇? 霆鋒Chok爆離港 霆鋒,謝霆鋒,

放完大假要開工喇? 霆鋒Chok爆離港

2014-09-30 12:01:00

「鋒菲戀」重燃愛火,全城熱話,王菲近日喺台灣風騷拍廣告,惹來傳媒追訪;至於霆鋒前妻栢芝近日咁啱又返香港,噚日被網民集郵,原來佢喺又一城拍嘢。

咁霆鋒又點呢?之前有傳霆鋒放一個月假陪


女友王菲,今晨11點10分,霆鋒戴住黑超﹑白色帽﹑耳筒現身機場離境大堂,有傳佢飛去北京,甚至連台灣都有(莫非搵女友?)

問霆鋒去邊?佢就懶神秘:「唔知呀。」問到佢最近心情係咪好好?霆鋒就冇回應,只係叫大家小心啲。而佢排隊入閘時,有內地旅客認出霆鋒,並要求合照,霆鋒就用國語同對方講:「入咗去先影。」

問霆鋒係咪取消大假開工?佢就冇答,之後就背住大家以一貫型到裂姿態揮手講bye﹗

霆鋒入閘冇耐,相隔五分鐘後,就見到劉嘉玲與鄧永鏘細妹鄧霓儀現身,鄧霓儀甫見鏡頭,即火速彈開,而嘉玲見有傳媒在場也顯得有點愕然,嘉玲喺助手陪同下入閘,見佢冇乜化妝,戴黑超及戴帽,當佢排隊入閘時亦除下眼鏡及出示身分證。

問嘉玲去邊?佢就話去北京。咁會唔會搵好姊妹王菲?佢就話睇時間。當講到霆鋒都剛剛入咗閘喎?嘉玲就冇答,之後鄧霓儀亦跟隨入閘。



鍾意就快D Share啦!