娜姐話自己無蜜運，有圖有真相，開飯都係一行幾個女仔順手開埋會。就咁睇，娜姐比起上年同 Avis分手後激瘦嗰陣，肥番唔少。
全知言
周秀娜留港儲肥
留港消費聽得多，留港儲肥第一次聽呢？全知言早兩日（ 27日）撞到娜姐周秀娜，出席完活動一拖三……條女去銅鑼灣鋸扒，見佢鋸完扒正想打個招呼，娜姐已經滾水淥腳唔見咗人。打俾娜姐，原來呢頭啲牛扒未落格，嗰頭佢約咗人趕下場，去潮拜全城至 hit甜品店喎。
咁好胃口唔通蜜運？娜姐話又係誤會一場：「邊有蜜運？第一站係同同事食飯順手開會，跟住都係約公司啲食腳試新甜品店咋嘛。成幾個月冇得返香港，呢排難得枕住喺度，又難得可以見下人出下街咋！」日日約、日日食，唔怪得之瘦蜢蜢嘅娜姐睇落豐滿咗，香港真係會住肥人。
|
鍾意就快D Share啦！
|
|
|