網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月4日 星期四

[FACE 380 外地娛樂] 馬明學嘢 正版天然呆 馬明,馬國明,MF,




《戀上春樹》

上映日期: 9月 11日

染谷將太話見到自己着襠布都好難為情,難為女主角長澤正美,喺戲中被成班襠布男圍住,佢話尷尬到要不斷傻笑遮醜。

東瀛團

馬明學嘢 正版天然呆

人性就係咁,食得鮑參翅肚多,點都想食吓麥當勞。

睇靚仔同一道理,日日見住班大隻佬,點都會滯,偶爾發現一啲傻更更戇男,更覺得佢哋可愛。

將於今月 11日香港上畫的新戲《戀上春樹》男主角染谷將太,戲中扮毒男追女神長澤正美,着住襠布周圍走,笑死人。童星出身的將太,特徵係雙眼無神似瞓唔醒,個樣傻夾戇,同馬明一樣係「天然呆」,但日本妹 like佢似加菲貓咁可愛,而且最緊要有演技,將太 4年前已攞過威尼斯影展「最佳新人獎」,其實戇男都可以好猛料㗎!

《戀上春樹》點解會搵染谷將太孭飛做男一?

《戀上春樹》其實係改編自日本暢銷小說《哪啊哪啊神去村》,小說裏男主角平野勇氣係一個讀書唔成,又傻更更嘅毒男,所以導演三浦紫苑第一時間即諗起染谷將太。一來覺得染谷本身有「天然呆」特質,加上個樣傻得似加菲貓,更重要係染谷本身好有幽默感,所以覺得染谷最適合。

《戀上春樹》講男主角染谷將太讀書唔成又被女飛,正當前路渺茫之際,突然見到「林業見習班」,發現宣傳單張上的宣傳大使竟然係靚女長澤正美,於是決定走入深山一路學斬樹,一邊追女神。

扮戇直毒男嘅染谷,睇佢對住堆胸圍,眼神傻更更,見到都想笑。

戲中染谷經常着住襠布周圍走,有冇尷尬?

染谷自稱最初真係好尷尬,去照鏡時都唔敢望,同埋工作人員幫佢着嗰時,又綁得好實,搞到 pat pat好痛,不過劇組好多演員都一齊着,人人平等,所以最後先夠膽着住襠布見人。不過有場戲講長澤正美揸電單車,而着住襠布嘅染谷坐正美車尾,就在此時「何 B仔」唔覺意頂到正美,嚇到正美大叫,最後 NG好多次先完工。

4年前,染谷同二階堂文主演改編漫畫嘅暴力電影《庸人》,染谷憑此片攞走威尼斯影展「最佳新人獎」,威到海外。

染谷有乜威水史?

今年 21歲嘅染谷,由童星做起。 9歲已入行嘅佢,至今拍超過 14套日劇、 16套電影,最威係喺 11年憑暴力血腥電影《庸才》,攞走威尼斯國際電影節「最佳新人獎」。

戇男有市場關天災事?

事關近年日本面對天災人禍,自 11年東北地震引發海嘯後,又爆出福島核電廠洩漏輻射,加上近年差唔多每年都受颱風侵襲,所以日本觀眾唔想喺電視上見到喊苦喊忽嘅苦情男,反而想見到一啲可以令人開心嘅演員。所以近兩年,唔少怕醜兼傻更更嘅嫩口男優,好似上年於日劇《海女》中,扮天真少男嘅福士蒼汰,同《半澤直樹》中飾演半澤嘅驚青兼正義下屬嘅中島裕翔就大受歡迎。

今年 21歲嘅福士蒼汰,外形健康,上年喺日劇《海女》飾演能年玲奈初戀情人,由於帶幾分傻氣而大受歡迎,踏入 2014年,已拍 1套電視劇及 2套電影。

同樣係 21歲嘅中島裕翔,其實係 Hey! Say! Jump其中一位隊員,上年憑《半澤直樹》中飾演半澤騰雞下屬中西而上位,雖然出道至今仍未拍過電影,但今年已拍咗兩套日劇,而今季日劇《水球 Yankee》仲擔正做主角。



鍾意就快D Share啦!


Related Posts Plugin for WordPress, Blogger...