網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月3日 星期三

[FACE 380] 狂數趙頌茹 講多錯多 周永恒外婆:個孫好少打佢 周永恒,趙頌茹,MF,




周永恒同趙頌茹結婚 4年,大女信希 4歲,細女愛希都 2歲。一家四口一直表現幸福,估唔到突然發生家暴兼婚外情。

封面

狂數趙頌茹 講多錯多 周永恒外婆:個孫好少打佢

結婚 4年、育有兩個女的周永恒( Roy)同趙頌茹( Yu),一直以模範家庭形象示人,但上週日( 24日)周永恒卻突然因涉嫌打傷老婆,趙頌茹 5日後報警,周永恒被控傷人,本週五到屯門裁判法院應訊。

除了家暴,曾經吸毒的周永恒,今次被爆同模特兒公司拍擋劉伊靜( Ruby)有婚外情,因而跟老婆爭執兼郁手打傷老婆。老婆離家出走,連日來「踴躍」回應傳媒的周永恒,不斷在 facebook打聖經金句懺悔,又好爸爸上身湊女放學博洗底,更堅稱自己冇郁手打老婆。

本刊上週六( 30日)獨家訪問周永恒外婆,外婆雖然力撐孫仔,但講多錯多,竟然爆出:「永恒好少打佢!」少即係有啦,外婆呢次真係幫倒忙喇!








1/9開學做大戲

周永恒週一( 1日)接大女放學,原來佢一早同某間傳媒夾定影佢去學校,後來見到其他記者追訪,樂於做大龍鳳。

30歲周永恒因疑似有小三而同老婆趙頌茹鬧交,混亂中涉嫌推跌對方,令阿 Yu下巴受傷要縫 6針,當晚阿 Yu沖涼後即離家出走,至今仍未返家。

外婆:佢自己撼頭埋牆

上週六( 30日),本刊到家暴「案發現場」、周永恒父母居住的天水圍天盛苑,搵到周永恒外婆。對於孫仔有外遇同家暴,婆婆處處維護周永恒,在長達 20分鐘的訪問中,狂數孫新抱趙頌茹小氣又多事!

F:《 FACE》  A:周永恒外婆

F:知唔知周永恒有外遇?

A:唔出奇吖,男人啲嘢!佢老婆睇唔開咋嘛!周永恒都算好仔,識下女朋友冇壞啫!

F:有冇見過周永恒外遇嗰個女仔?

A:冇,呢啲幾時輪到我哋見吖!

F:周永恒推到阿 Yu跌落地,下巴縫咗 6針?

A:佢自己撼頭埋牆咋,千祈唔好賴周永恒呀!(撼邊度?)我唔知喎,我聽講咋,好少見佢!

F:阿 Yu平時有冇唔尊重你哋?

A:各有睇法啦,好難講,費事講!你話呢,諗都諗到啦,如果佢識得尊重人又點會咁?我唔覺佢呼喝我,我又唔係住佢食佢,佢又唔係俾嘢我食,反為住我地方,𠵱家佢住緊嗰度(嘉湖山莊)係我㗎!

F:有冇諗住收番層樓?

A:佢(肯)走先得㗎!

F:平時過嚟食飯有冇幫手煮餸?

A:哼,坐喺度就得!呢啲你明㗎

F:阿 Yu報咗警喎!

A:報咩警,永恒好少打佢!我個孫唔會!我覺得佢幾乖,我自己做女人都係咁話,又小氣又睇唔開,又多事,好出奇咩,同個女人傾下偈梗有啦,你都同男人傾偈係咪傻㗎?

F:阿 Yu係咪成日撼頭埋牆?

A:佢係呢次自己撼頭埋牆,發咗癲!

F:阿 Yu𠵱家失蹤?

周永恒同阿 Yu拍拖 6年, 2010年結婚,婚禮以基督教儀式舉行,周父周母亦有出席。

周永恒上週六回應本刊時表現輕鬆,堅持冇郁手打老婆之餘仲話有同囡囡一齊喊。期間屋苑保安上前驅趕記者,周永恒竟叫對方:「你唔好阻住啦,好快」

周永恒同阿 Yu不時現身教會做見證,現時阿 Yu暫居於圈外教友家中。

《蘋果日報》圖片

A:由佢囉!你既然嫁得嗰個人就要對佢有信心。而且周永恒做呢行,識下人好正常,望都望佢識多啲人

教友封嘴

高皓正

「現階段唔回應住喇!」

何基佑

「我冇阿 Yu電話,不過佢出事後有打俾我老婆喊,但就冇講𠵱家喺邊。我同 Roy係兄弟,無論點都會撐佢!」

按樓借 30萬財仔

周永恒夫婦現居的嘉湖山莊單位,屬外婆物業,而周父周母及外婆住的天盛苑居屋,則由一名周姓男子及劉姓女子擁有,估計係周父及外婆。據資料顯示,該天盛苑單位( 05年購入)曾於去年尾再作按揭,向財務公司借了 30萬。看來周家財政都幾緊張。

《蘋果日報》圖片

阿 Yu早知婚外情

周永恒與阿 Yu的家暴,傳聞導火線是阿 Yu揭發老公有外遇,而「小三」更是阿 Yu都識、與周永恒經營模特兒公司艾美模特的拍擋劉伊靜( Ruby)。慘被背叛的阿 Yu現時寄居教會朋友家中,上週六透過微博報平安,但冇交代會唔會離婚,「多謝大家關心及支持,雖然事情而(已)發生,但我相信希望在明天我倆將來係點無法知,信任神能繼續在我們的生命各自帶領。」

據知阿 Yu曾向教友呻過老公同女助手搞埋一齊,不過當時並冇指名道姓,身邊人都唔知狐狸精原來係經常出席周家家庭活動的劉伊靜。飽受老公出軌壓力,加上與夫家關係一般,常被恨抱男孫的奶奶催生男丁,令曾被親戚性侵而患抑鬱症的阿 Yu,變得極度神經質兼自閉。今年 6月為理大行時裝騷時,阿 Yu又跣腳又甩帽,仲邊行邊跌出墊鞋用的紙巾。當時有人在後台睇住阿 Yu慌失失狂塞紙巾入鞋,寧願冒住出醜危機都唔肯求助,某程度反映出阿 Yu慣於啞忍,唔敢出聲的性格。

為咗兩個女,苦命阿 Yu點都要撐住呀!

阿 Yu 10年奉子成婚, 2年後再生多個女。

閨蜜勾老公

劉伊靜( Ruby)恃住同 Roy係生意拍擋身份,大膽出席周家家庭活動,當時 Yu仍未察覺佢同老公有曖昧。

網上圖片

開了模特兒公司後, Ruby(右一)改以行政 look出現,曾與 Roy及 Yu一齊以老闆身份出席公司活動。

《蘋果日報》圖片

「小三」 Ruby上週六返回尖沙咀公司取文件,當時拒絕回應小三傳聞。至週日, Ruby卻自爆同周永恒未斬纜:「撇乜啫,我哋一直係朋友關係,仲有聯絡,今日傾電話都有關心問候。」

《蘋果日報》圖片

做過奀模的 Ruby,拍過唔少噴血性感照。

《蘋果日報》圖片

Ruby在自己與周永恒開設的艾美模特網頁中,仍將自己的靚相放上去吸客。

網上圖片

曾簽王維基旗下的港視, Ruby拍過劇集《 Night Shift》,同劇有林文龍、林嘉華等演員。

網上圖片

周家厚多士

夫妻

《蘋果日報》圖片

藏毒斷正

04年廿歲仔被搜出藏有 20粒「五仔」,被控藏毒,判感化 18個月,但感化期間再度醉酒鬧事及涉嫌恐嚇傷人,麻煩多多。

網上圖片

同上司反面

11年向樂易玲舉報當時的上司鄧智偉(右二)有私人錄音室,反被對方炒魷魚,更有傳大台永不錄用。

腦生瘤

Roy 10年發現自己腦部天生有 6cm「蜘蛛網水瘤」,隨時會休克暈低。

《蘋果日報》圖片

醫院俾人打

Roy 12年陪老婆到屯門醫院待產,買飯期間同人爭執,被人揮拳及用膠凳追打,阿 Yu手部受傷,需縫 6針。

《蘋果日報》圖片

英皇雪藏

02年阿 Yu簽約英皇,後被指態度散漫,又無故失蹤半個月,被公司雪藏。後來主動向英皇要求解約,轉行做記者及公關。

圖片

童年遭性侵

今年 4月,阿 Yu忽自爆 4-6歲時曾被一名親友性侵犯,更因此被父母冷落。

叔侄 周啟生

疏忽照顧兒童

周氏夫婦多事,阿叔亦有麻煩事,周永恒叔叔、唱作人周啟生,去年因獨留 13歲兒子在家而被控「疏忽照顧兒童」,被判 80小時社會服務令。



鍾意就快D Share啦!