網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月10日 星期三

[FACE 381] 趕住生  SM手銬娛賓  Yumiko:返去即刻造人 Yumiko,Yumi,尹秦睎,鄭希怡,MF,




Yumiko話會即刻造人,生幾多個?佢話︰「咁就要睇個天俾幾多禮物我。」

真面目

趕住生  SM手銬娛賓  Yumiko:返去即刻造人

上週 5( 5日), Yumiko(鄭希怡)同化妝師男友 Andy(梁學儲)喺北角海逸君綽酒店筳開 30圍擺喜酒,二人圈中人緣極好,一班星級好友如祖兒、阿 Sa、劉浩龍等充當伴郎伴娘,場面星光熠熠。當日新娘子 Yumiko戴上四卡鑽戒,又 show出手臂代表老公嘅火柴人新紋身(見右小圖), sweet到爆!

婚宴安排, Yumiko亦落足心機設計,仲好前衞用自家品牌出嘅 SM手銬性玩具作為嘉賓嘅回禮小禮物,佢事後仲話:「返去即刻造人!」睇嚟好快就要改口叫靚媽喇!

第一次拋花球竟然冇人接, Yumiko再拋第二次,祖兒先衝去接, Joey話:「頭先楊生有同我講,如果我結婚,就會送 150圍酒席畀我,有效期係由今日開始計 10年,不過太突然喇,我都未有計劃。」 10年好快過㗎,師兄,好快手

李璨琛、谷德昭、陳國坤等組成嘅伴郎團唔只睇得,仲好玩得,男人老狗着女裝衫裙都一樣冇難度。

楊太陸小曼一向唔鐘意應酬,不過佢話 Yumiko係第一個「英皇女」出嫁,所以就一定要出席,眼見老闆同老闆娘咁錫自己, Yumiko梗係飲得杯落

當日婚宴嘅菜單圖案用咗代表 Yumiko同 Andy嘅卡通公仔,甜蜜又童真!

Yumiko主理嘅時裝品牌 Why So Cool,除咗賣時裝外,仲有賣情趣用品,好似呢款震蛋咁,好玩嘢啫!網上圖片

用性玩具作為嘉賓嘅回禮,總好過次次都係收埋啲冇乜用嘅嘢,有驚又有喜!

Yumiko同 Andy拍拖 8年,前年 Yumiko在布吉失足跌落山坡,樹枝插肺,當時情況嚴重, Andy對 Yumiko不離不棄仲求埋婚,布景板前呢一吻真係可以話意義深重!

「英皇女」點嫁好?

《忽然 1周》圖片

英皇老闆娘楊太話 Yumiko係第一個「英皇女」出嫁,實情阿 Sa先係排頭位結婚嘅「英皇女」,事隔多年,相信大家都唔記得。𠵱家嘅英皇大家庭有唔少等嫁叫緊糊; Yumiko今次就玩 SM手銬娛賓,唔知下一 pair嘅婚禮會點玩法?

網上圖片

祖兒貴為天后,劉浩龍亦係歌星,兩個一於喺紅館舉行婚禮,順便搞埋群星恭賀騷,唱唔停,仲要直播埋,不過唔好畀大台播喇!

《蘋果日報》圖片

Sa已經結過一次婚,所以如果同陳偉霆結婚嘅話,返大陸擺酒都係唔錯嘅選擇,話晒 William今時今日係強國忽然爆紅,分分鐘所有嘢都會有贊助添!

《蘋果日報》圖片

鍾舒漫同吳浩康同為基督徒,結婚梗係返教會搞。

網上圖片

泳兒同髮型師男友 Ziv,不如破天荒喺髮型屋搞

《蘋果日報》圖片

洪卓立同女友湯怡,如果喺健身室度搞婚禮都幾有 gimmick,鬼叫立立成日都畀人話白面書生潺仔咩!咪當激勵吓佢囉!



鍾意就快D Share啦!