掃呢頁CODE去手機

2014年9月24日 星期三

[FACE 383] 36E崔碧珈 大到咁都冇得做美人魚? 崔碧珈,美人魚,MF,




崔碧珈話睇得外國電影多,美人魚應該跟自己一樣成熟又性感,並非可愛紮起孖辮玩 cutie囉!

爆 Like王

36E崔碧珈 大到咁都冇得做美人魚?

天生 36E好身材真係唔好嘥!人稱巨咪謝安琪嘅 26歲崔碧珈( Anita)呢期絕對係焦點,喺 YouTuber Ming仔新片《初次約會指南之五大守則》入面飾演女神, Anita全程低胸將 36E擺晒上枱,睇到網民視線好集中。







「崔 big瓜」又同呢排熱爆嘅星爺扯上關係,有份喺星爺新片《美人魚》試鏡,打入 40強去北京面試,可惜最終 36E都做唔成美人魚,可能喺星爺眼中,美人魚係唔需要巨胸啩!

崔碧珈在 Ming仔新片中將 36E擺上枱,原來是廣告商意思,果然網友 like爆,一星期就有十幾萬點擊。

F:點解你會同 Ming仔拍片?

崔:同 Ming仔都識咗好耐,一齊拍過《溝女不離三兄弟》同埋《 Delete愛人》,喺首映都碰過面,所以之前佢搵咗我拍佢嘅片,叫《真心玩大咗》,我着住兔女郎低胸衫,雖然得兩三秒,但可能得一個女仔突出啲啦(你好難唔突出囉)!最近再拍係因為有洗面奶廣告睇完上次條片,提議 Ming仔再搵我做,可能見我性感啩,條裙係公司揀嘅。

《辣警霸王花》有欣宜、香香、 Jeana等,崔碧珈話欣宜幫佢最多:「我會請教佢哋,佢哋好有經驗嘛,我要演個蠢人,欣宜成日話我唔夠蠢㗎!」

F:觀眾剩係留意你嘅 36E身材?

崔:睇到啲 comment講我咁低胸,其實女仔去 dating,梗係化到個妝好濃呀、着得性感啲呀咁;我唔係好介意焦點放喺我身材度,可能我英國讀書,唔覺係差嘅事,反而係正面嘅!可能有人鍾意你對眼、頭髮好靚,身材都可以係其中俾人讚嘅嘢。喺英國性感都冇乜人望,大家都慣,返到香港係多人望,其他人都唔係咁着嘅,咁我着番好少少囉。初初冇諗過要性感,全因 fb有張低胸相好多人 share,咁公司又覺得唔差喎,不如用身材嚟打出名堂啦。

F:點解會去參加星爺套《美人魚》甄選?

崔:新人咩都要試下,就上網報名試鏡,仲拍咗條扮美人魚嘅片畀大會。面試時要試戲,同埋才藝表演,有現場觀眾,心理壓力好大,好彩上到台,下面黑媽媽都冇咁驚;才藝表演得十秒時間,跳舞、唱歌都冇音樂,我只係扭下扭下咁,雖然入唔到 13強,但或者有其他發展呢!印象中美人魚係性感嫵媚,係成熟啲,似我囉!

F:你喺英國讀到碩士,有冇覺得嘥咗學歷?

崔:唔會嘥咗!讀書唔係為咗做嘢,係增長知識。啱啱拍完錢國偉執導嘅《辣警霸王花》都要性感,有幾場戲要低胸,着起套警察制服有啲迫爆感覺;套戲亦主打動作,拳腳多,冇用過替身㗎!我想見到自己個樣,所以我學咗詠春同泰拳,套戲拍完有繼續學,希望日後都拍到動作片啦。



鍾意就快D Share啦!