掃呢頁CODE去手機

2014年9月7日 星期日

周永恒「high爆」:正呀,同老婆做朋友幾sweet呀!




【默認阿Yu想離婚】周永恒「high爆」:正呀,同老婆做朋友幾sweet呀!

2014-09-07 11:34:00



日前喺nowTV訪問中,自爆成日有幻覺,謂:「試過抱住個女落街,會見到‥‥我太太推住架BB車去買餸,跟住好攰嗰時流汗,嘩點解搞到咁瘦嘅,點解娶你返嚟對你咁嘅?仲要整到你多撻疤嘅?突然間又會‥我俾人鬧緊‥跟住關你咩事啊?鬧我做咩啫!」(新聞連結: http://bit.ly/Ws8BO1)仲講咗句:「總之越嚟越多傳媒報道,令我掛住太太能力越低。」令人大惑不解。

今日有報道刊出周永恒最新情深訪問,周生話自己已經「碎滿一地」、「散落滿地」、「有啲嘢唔見咗好耐」。「嗰啲嘢」包括愛情同感覺。

講講下好想太太快啲返屋企,周永恒突然再謂,話太太曾同佢WhatsApp,表示將來希望由做朋友開始。周永恒於訪問中即謂:「正呀,同老婆做朋友幾sweet呀!」仲嗌記者:「你都盡情祝福我哋」講唔夠幾句又話自己愧對太太,以為自己俾夠家用,但依家先知原來太太一直好慳家、勒緊褲頭云云,又叫多次記者:「我諗依家冇嘢可以令我哋跌倒,祝福我哋」



鍾意就快D Share啦!