掃呢頁CODE去手機

2014年9月30日 星期二

傳彭順求復合 Liddy零感覺:唔識呢個人﹗ 彭順,李悅彤,Liddy,




【醒醒!儘快清醒!】傳彭順求復合 Liddy零感覺:唔識呢個人﹗

2014-09-30 13:11:00



(資料圖片)

李悅彤(Liddy)因與人夫彭順喺圓方啜爆,而一啜成名,Liddy日前走出錯愛創傷,接受雜誌專訪。婚外情曝光後,彭順即時返回太太李心潔身旁,並盡力箍煲挽救婚姻,Liddy直言已對彭順完全冇感覺,佢仲話:「甚至覺得唔識呢個人﹗」

對於成為彭順及李心潔第三者,Liddy感到相當後悔,不過最令佢感到失望的,係對方可以撇低自己一個,留低佢獨自收拾殘局,Liddy喺訪問中表示:「當你好信任一個人....點知...嗰刻真係好迷惘,覺得『乜原來係咁樣﹗』,更加叫自己要清醒。」

有指彭順向Liddy求復合,Liddy冇正面回應,佢只係話:「有好多嘢我冇再理,睇唔到。因為我需要拋低過去,重新出發。」

Liddy又話中途其實提出過三﹑四次分手,因為佢接受唔到自己做第三者,但每次都衰心軟,令佢泥足深陷。雖然已經做錯咗,但Liddy面對過錯及承擔後果,佢仲話以後見到已婚男人,都會兜路走。

慶幸愛情路上,Liddy已經雨過天晴,與舊愛Simon復合,Liddy表示更加珍惜對方,Liddy話佢喪父時,Simon陪佢度過難關,又陪佢辦理喪事,令Liddy大為感動,反觀彭順當時為求自保,連一個慰問都欠奉。



Liddy與彭順喺圓方偷啜斷正。(資料圖片)



(資料圖片)



彭順日前偕妻子李心潔出席許茹芸婚禮。(資料圖片)



鍾意就快D Share啦!