掃呢頁CODE去手機

2014年10月10日 星期五

[忽然1周 1002] 曉明帶無牌 Baby 美國衝上雲霄 曉明,Angelababy,Baby,黃曉明,MW,




Angelababy同「海綿蛋糕」坐直升機,仲得到男友黃曉明讓佢坐前座,即係副駕駛座,真係 sweet到痹。

媽咪姐

曉明帶無牌 Baby 美國衝上雲霄

Angelababy與男友黃曉明向來愛得高調,去外地晒吓「土豪」旅遊,梗係基本動作啦。啱啱佢哋又去咗美國荷里活拍拖,今次就坐小型飛機睇吓當地靚景。

黃曉明出錢出力,好位留俾女友坐。咦!曉明嘅嘴唇損咗喎,唔通係同 Baby錫錫嗰陣整親?

咁特別嘅時光, Baby梗要將「衝上雲霄」片段上載到 Instagram同網友開心 share:「機長 ab帶大家飛。」張相仲係佢同曉明戴住墨鏡分前後坐,微笑對住鏡頭打招呼, wow,好晒!

不過 Baby唔記得「葡萄」係乜,令唔少網友質疑佢有冇直升機駕駛執照?因為早年佢為咗飛機延誤,網上留言要「炸飛機」,爭啲觸犯法例,今次又手多多掂儀器,真係要小心喇!

同場加映

「老翻黃曉明」顧又銘同台星蕭淑慎出席張栢芝經理人投資嘅台式娛樂餐廳,睇吓蕭大姐搵「胸」器襲擊顧又銘,佢都冇反應。唔知換上真嘅 Angelababy又會點呢?



鍾意就快D Share啦!