掃呢頁CODE去手機

2014年10月10日 星期五

[忽然1周 1002] 亞視拖糧傳賣盤 王征風騷晒腩 亞視,MW,




筱靖話自己月薪得 7千,無糧出影響唔大,不過就戥其他同事慘囉。

媽咪姐

亞視拖糧傳賣盤 王征風騷晒腩

亞視冇糧出都唔係第一日嘅事,啱啱過咗 9月, 10月都過咗 7日,員工打簿仲未見到 9月份糧,即係話亞視又犯法。台前幕後等錢養家開飯,投資者王征就風花雪月,得閒去游吓水,不知幾疏肝。又成日將啲肉照放上微博,開心 share。

媽咪姐問過藝員筱靖點睇,佢話:「打工仔,唔會理邊個係老闆,最重要係準時出糧,而且公司成日換老闆,我哋都習以為常。要養家嘅同事真係好慘,我聽過有同事會去勞工處。」但係亞視公關 Jeff Wong就唱反調,喺 facebook留言「前面去再創傳奇」,咁樣擦法,比起周大福嗰位話女示威者被「和平非禮」嘅公關,真係互相輝映囉。冇糧出,返工真係為興趣咩?

亞視公關 Jeff Wong喺 facebook留言,叫人「前面去再創傳奇」。無糧出仲落咁多鞋油,掂呀!

亞視員工無糧出又點,王征一於懶理。睇吓佢得閒就去游水晒腩,不過個甫士就搞笑啲囉。

王征喺 8月搞生日會,「亞洲會」仲送咗個蛋糕,上面寫住「良心之父」。吓!唔係啩?



鍾意就快D Share啦!