網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月17日 星期五

[忽然1周 1003] 拒再生•簽英皇 諸葛紫岐搬屋避奶奶 諸葛,英皇,BKD_S,諸葛紫岐,MW,




家庭樂冇影

日前,本刊拍得薛家三代同堂到 bathing ape揀衫俾囝囝。難得家庭樂,當日冇工作在身的諸葛紫岐,卻離奇冇影。

娛樂喧

拒再生•簽英皇 諸葛紫岐搬屋避奶奶

婆媳關係永遠都是一門學問,成為 Neway薛家新抱的諸葛紫岐(Marie),與二少薛嘉麟由拍拖開始,一直深得薛老太歡心。可是自去年尾諸葛為薛家誕下金叵羅「冰岐麟」 Arthur後,諸葛和兩老關係有變,除搬離與老爺、奶奶為鄰的九肚山豪宅,一家三口入住跑馬地新居,諸葛更極速封肚及簽英皇拍戲,相信短期內難以再為薛家添一員。

日前,本刊發現薛二少偕父母及囝囝、外傭到銅鑼灣利園買 BB衫敍天倫,但獨欠當天冇工開的 Marie,箇中原因耐人尋味。







07年諸葛紫岐挾着「諸葛亮第 63代後人」之名入行,當年一句「唔可以搭巴士,因為會反車」,被冠以「公主病」。其後她與薛嘉麟拍拖,與當時是 Neway大少薛世恆女友的陳法拉因爭寵而經常鬧不和。直至兩年前,諸葛正式成為薛二嫂後;法拉與薛大少卻分手收場。

奶奶預約見孫

成功入門、「死敵」敗走,去年諸葛更為薛家誕下男丁,因此深得奶奶歡心。可是本刊得知,近月諸葛與奶奶關係卻有變,見面機會不多。

由入門至今,一直與奶奶、老爺在沙田九肚山為鄰的諸葛,據知早前以校網為由,慫恿老公由九肚山搬到跑馬地。愛錫老婆的薛二少,終於跟父母傾掂數,成功搬離九肚山。「未同二少結婚前, Marie好識做,過時過節一定買參茸海味𠱁薛老太。如果老太唔舒服,佢會第一時間撲去陪老人家睇醫生,所以老太嗰時成日催二少快啲娶 Marie入門。不過生咗阿仔之後, Marie樣樣話以阿仔為重。大家年代唔同,湊 BB各有一套,淨係講讀書問題已經有分歧。薛老太梗係唔想佢哋搬啦,以前隨時見孫都得,但依家隔個海,一星期先見一次,仲要預約。」知情人說。

肉緊乖孫

話晒係薛家第一粒孫,薛老太當然錫到燶,當日她不停揀衫俾孫仔試,笑逐顏開!

避走九肚山

由入門至生 BB,初歸新抱諸葛紫岐一直好識做,為親近奶奶,搬進九肚山與他們為鄰,但近日諸葛和老公帶埋 BB搬往跑馬地。

家庭日獨欠諸葛

早前,記者發現孝順仔薛二少偕兩老、囝囝及外傭到銅鑼灣濕平買 BB衫,家庭聚會獨欠新抱諸葛。三代同堂之下薛老太笑到見牙唔見眼,不時與薛老先生爭抱孫,薛二少就繑埋雙手十分得閒。薛老太顯然錫孫仔錫到燶,親自為 BB揀衫仔,更逐件摸上手檢視質料,十分嚴謹。

除了搬離兩老視線範圍,諸葛生完囝囝 Arthur後,修身冇耐便決定封肚,跟英皇簽約,亦令奶奶感到不悅。知情人續說:「佢啱啱入門嗰陣應承過奶奶最少生兩個,但 Marie見一索得男,就自己決定暫時封肚,仲𠱁掂老公幫佢鋪路,一心簽英皇拍電影,簽約前冇知會老爺、奶奶。」

日前記者向諸葛求證搬屋一事,她直認說:「係呀,我哋係搬咗去跑馬地,都要為 BB將來校網着想!( BB搬走咗,老人家有冇唔開心?)佢哋冇唔開心,其實都好近,過海好方便啫。」對於封肚一事,她則堅決表示:「暫時都唔會生住喇!我想趁後生做番自己鍾意嘅嘢!(老人家想唔想你生多幾個?)其實佢哋仲忙過我,暫時都夠呀,我諗屋企人會明白我。」

長情愛妻號

老婆要搬竇,出名愛妻號的薛嘉麟當然只能 say yes。日前記者便發現二人在跑馬地新屋附近食晏,其間扶實老公手的諸葛,如太后般出巡。上車時,老公亦細心上前開車門,對老婆千依百順。

諸葛紫岐日前出席活動時,承認近日已和老公、囝囝搬到跑馬地。她說:「哎吔!九肚山離呢度好近啫,佢哋星期六、日可以見孫!」一個喺新界,一個喺港島……真係咁近?

死敵埋身?

由拍拖至結婚,諸葛和前大嫂陳法拉一直鬥到難分難解。早前有傳大少薛世恆有意追番法拉,如果係真,諸葛和法拉又有機再鬥過。

狂晒命

去年諸葛為二少成功懷有金叵羅,當時她表示:「奶奶成日煲湯、燉補品俾我。」婆媳關係仍然唔錯。



鍾意就快D Share啦!