掃呢頁CODE去手機

2014年10月17日 星期五

[忽然1周 1003] 「聲大大」兄弟 手多有前科 MW,




插圖: Wendy

揞名爆

「聲大大」兄弟 手多有前科

唔講唔知,前排做生意嘅「聲大大」涉嫌非禮女示威者被警察帶走,原來唔少圈中女星同女記者都拍晒手!事關同佢一齊開食肆嘅兄弟,都係出名手多多一族。

話說某次宣傳活動喺佢哋間舖頭搞,有幾位靚女藝人出席,原本大家影吓相傾吓偈好 happy。點知「聲大大」兄弟揸住杯酒巡勻全場。做咩呢?以敬酒為名,借啲意行埋啲女藝人度,掃吓背,又摸吓人哋隻手仔囉。

嘩!咁猖狂!成班女藝人梗係「嗱嗱聲」避開。跟住呢,「聲大大」兄弟居然轉移目標,行向班女記者度,話要敬酒,然後借勢捉住人隻手!嘩嘩嘩!咁仲成世界嘅!成班女記者見慣世面,梗唔會俾你抽水唔出聲,即刻大聲向負責活動嘅公關投訴,再拉隊走人。

公關都知「聲大大」班兄弟啲衰嘢,事後惟有打俾每位女記者道歉。不過睇嚟,呢個世界某啲人都係死性不改。都係嗰句,人在做,天在看……

邊個係「聲大大」?

1.有錢,但扮窮。

2.咪淨係得番錢囉。



鍾意就快D Share啦!